يقولوا لك الميكروويف للتسخين بس طيب شوفي انا باطبخ و اسخن و اسيح كماااااان

انا ام لثلاث اطفال ( ربنا يحفظهم) و اعمارهم متقاربة ورا بعض و الوقت عندي محسوب بالدقيقة و الثانية
من تصحيتهم الصبح لتوصيل المدارس ( انا اللي باوصلهم ) لمذاكرة فعلا محتاجة كل دقيقة
كنت باتحط في مواقف وحشة لو نسيت اخرج كيس لحمة ولا فراخ يفك من بالليل
و لا لما نرجع من المدرسةو اضطر اسخن الأكل يقوم يطلع سخن قوي عليهم و يستنوه يبرد
اللبن الصبح برضه اسخنه يسخن جامد و لازم افضل واقفة جنبه عشان اراقب حرارته
من سنة ونص قررت أجيب الميكرويف
الحقيقة هو دويوتو مع حاجة تانية مهمة جدا هو الديب فريزر
كمان عشان سكني بعيد عن الاسواق فكنت مضطرة اني اجيب الأكل بكميات و احفظها في الفريزر
وقع اختياري على ميكرويف اوليمبيك 36 لتر بالشواية
هو حجمه مناسب لينا و كمان الشواية بتحمر وش الصواني أو الفراخ
دلوقتي حاقولكم ايه اللي باعمله في الميكرويف :
1- تدفئة اللبن الصبح للأولاد باحط اللبن في الكبايات و باضبط الحرارة على الهاي باور لمدة دقية واحدة بس
بيطلع دافي و مضبوط و ما وسختش كنكة و لا لبانة يدوبك الكبايات
2- مج النسكافيه بتاع الصبح اللي بيفوقني باحط برضه المج فيه الميه و باكو النسكافيه و حبة لبن و ادوس زرار المشروبات
بياخد دقيقة و 20 ثانية .مفيش اجدع من كده
3- العيش سواء كان بلدي و لا فينو ولا توست متجمد في الفريزر بياخد دقيقة تقريبا و اتفرجي على العيش أكنه لسه مخبوز
و كمان لاحظت ان الولاد ما شاء الله شهيتهم اتفتحت لأن العيش بقى يفتح النفس فعلا
4- لو عندي كفتة ولا بانية فايض ممكن اسخنه دقيقتين و اعمله في ساندوتشات الأولاد الحقيقة مش بينشف زي ما تسخنيه على النار
5- ساندوتشات الجبنة السايحة يا سلام بقى و الحلو ان العيش بيبقى طري كمان مش بينشف زي التوستر
كمان لو عندك ساندوتشات فايضة من قبل كده بتسخنيها بس خلي بالك لو فيها كاتشاب بتبقى سخنة من جوة زيادة بس حلوة برضه
و البيتزا الجاهزة لما تسخنيها الجبنة بتسيح تاني اكنها لسة معمولة وما بتنشفش زي الفرن
5- أهم حاجة بقى تسييح اللحوم و الدواجن المجمدة وده كان هم كبير و انزاح من على قلبي
6- كثير قوي بيفيض مني أكل زي المحشي و المكرونة بالبشاميل و الرز و الفتة و الأولاد ما يرضوش ياكلوا الأكل يومين ورا بعض
الحل سهل اتاويه في الديب فريزر كام يوم و اطلعه افككه و اسخنه بيبقى أكنه طازة
7- نيجي بقى للمفيد مش قلت لكم باطبخ فيه ؟
1-اسهل حاجة باعملها الفراخ المشوية : باطلع طبق الفراخ من الفريزر اعمله ديفروست بياخد 23 دقيقة ( انا باجيب اطباق وراك كوكي فريش الكيلو بكميات و احطها في الفريزر) بعد ما تفك باغسلها كويس و اتبلها بالملح و بهارات الدجاج (دي بتديها طعم رائع ) و اغرزها بالسكينة و احطها في طبق بايركس و تدخل الميكرويف
على الهاي باور لمدة 20 دقيقة و بعدين افتح الشواية 6 دقائق و خلاص بقت جاهزة بصراحة طعمها روعة
يعني موفرة للوقت بشكل فظيع و في نفس الوقت اعمل مكرونة و سلطة و بقى الغدا جاهز في ساعة الا ربع بس
2- الرز المعمر : ده بقى عايزة اشكر فيه من هنا للصبح . انا عادة لما كنت اعمله في الفرن كان بيشيط يا اما مايستويش
عملته في الميكرويف في طاجن بايركس حطيت الرز ومعاه لبن و شوربة و سمنة و عملته على الهاي باور خد 25 دقيقة (الطاجن كان كبير ) طلع مستوي وطري
و بعدين حطيت قشطة و فتحت الشواية اتحمر الوش و كان جميل جدا
كمان عملته بالفراخ بس حمرت الفراخ بره و بعدين رصيتها
في الطاجن و وفوقيها الرز المغسول و زودت لبن وشوية مية ( عشان الفراخ
حتستوي جوة الرز وضبطت الملح (الأربع وراك عملت عليهم كبايتين رز و كباية
لبن و كباية ماء خدت 25 دقيقة و كانت جميلة جدا الرز واخد طعم الفراخ
روووووعة

3- الأكل الدايت : الميكرويف حبيبي ده رفيقي في رحلة الدايت لاحظي اني حاعمل أكل لفرد واحد و بكميات صغيرة
باجيب الطبق البايركس (اللي هو غطا الحلة البايركس ) و باحط فيه قطعة الفراخ منزوعة الجلد ( متفككة مش مجمدة)مع شوية خضار مجمد (عشان يبقى السوا واحد) و ما كانش بياخد غير 10 دقايق بس و في تنويعات تانية سمكة او قطعة فيليه سمك او فراخ او ستيك مع السوتيه بجد كان بيسهل عليا جامد
الفطار كمان باكسر البيضة في الطبق البايركس فوق قطعة توست بني من غير زيت ولا سمنة تحصلي على اومليت صحي تنويع عن البيض المسلوق
و ساعات كمان كنت احط على التوست جبنة قريش بتسيح شوية و تفتح النفس
4- صينية سمك فيليه : دي ولادي بيحبوها جدا و خفيفة عن السمك المقلي و نضيفة عن السمك المشوي اللي بيهبب الايدين
باحط في صينية بايركس بصل شرايح مع فلفل اخضر و طماطم و بطاطس شرايح رفيعة و فوقيهم شرايح السمك الفيلية و اعصر عليهم ليمون و ملح وكمون و تدخل تقريبا ربع ساعة
5- المكرونة بالبشاميل : باعملها في صينية بايركس بتاخد 25 دقيقة و كمان 6 دقايق تحت الشواية عشان الوش يحمر
7- الحواوشي : بافرم البصلة على لحمة مفرومة و طماطم مفرومة وفلفل و ملح وتوابل و احشي بيها العيش بياخد 10 دقائق بس بيطلع طري لو عايزاه ناشف شغلي الجريل عليه
8- الخضار بكل انواعه في طاجن بايركس او فخار بياخد 10-20 دقيقة
مرة عملت طاجن بامية في عزومة انبهروا بيها جدا
ميزة الميكرويف انه بيحافظ على طعم الخضار لأنه مفيش لهب مباشر جاي عليه
9- المحشي : تحية جامدة بقى للميكرويف عملت المحشي طلع طعمه خطييييير اولا مستوي حلو و ما اضطريتش احط ورق من تحت لأن مفيش لهب يشيطه
قدمته في الحلة البايركس كان شكله شيك جدا و الأحلى انه خد 25 دقيقة بسسسسس
10- ممكن تسوي فيه المكرونة و الرز بس للأمانة محصلة تسويتها في البوتجاز بس اهو يسد لو الأنبوبة خلصت مثلا
- في العزومات كمان بيساعد جدا لأني باجهز الأكل في اطباق التقديم و وقت الأكل اسخن ورا بعض و اطلع على السفرة
لو بتعملي ساندوتشات بكميات على ما تخلصي يكونوا بردوا تروحي مسخنة كله مرة واحدة و تقدمي

لسة لسة ما خلصتش :
8- انا كنت فاشلة جدا في تسييح الشيكولاتة ولا مرة نفع معايا الحمام المائي و الكلام ده
انما نجحت مع الميكرويف .حطيت في سلطانية صيني الشكولاتة الخام مع معلقتين لبن و حتة زبدة و قللت الباور ل 40 ساحت الشكولاتة آخر تمام
برضه لأن مفيش لهب مباشر . ممكن تتحط على وش الجيلاتي او تزيين التورت او البتيفور
9- تطرية الزبدة :لما أكون حاحضر الكيك باطري الزبدة الباردة اني اقلل الباور و اديها دقيقة يدوبك تطرى انما لو حطتيها على النار حتسيح ما ينفعش
10 - تخمير العجين :زي عجينة البيتزا مثلا بتقللي الباور خالص لحد 10 و تسيبي العجينة 10-15 دقيقة بتلاقيها خمرت و ارتفعت
شوفتوا بقى كل دي مميزات بيوفرها لنا الميكرويف مش بس التسخين
يعني اللي عندها ميكرويف كبير و قدرته حلوة لازم تستغله كويس
عايزة بس اقول اني زي ما نجحت في حاجات كثير في حاجات الميكرويف فشل فيها
يعني مثلا الكيك لقيته بيطلع ابيض خالص
سمعت برضه ان البطاطس الفروزن تعمليها في الميكرويف و هي مجمدة ما نفعتش برضه و طلعت ناشفة جدا
انما غير كده زي الفل و الحمد لله
مميزات الميكرويف :
1- بيوفر الوقت
2- بيقلل وقت طهي الطعام
3- بيحافظ على الطعم
4- حتوفري في غسيل المواعين لأنك مش حتستخدمي حلل تسخني فيها
5-بيوفر في الكهرباء
6- بيقلل الضغط العصبي الناتج عن ضيق الوقت و المفجآت
7- ممكن تطبخي كميات قليلة جدا من الأكل
8- بعض الأكلات تسخينها في البوتجاز بيبوظ شكلها زي الفتة او الكشري لو اتغرفوا
انما في الميكرويف حتسخنيه بنفس شكله و في طبق التقديم
9- كل مرة بتحصلي على الأكل بنفس درجة الحرارة المطلوبة
10-مش لازم تفضلي واقفة تراقبي الأكل و هو بيسخن اضبطي الحرارة و الوقت و هو لما يخلص حينده عليكي

يا ريت اكون قدرت افيد حد فيكم
و اللي عندها أي استفسار انا تحت امرها
و لو تحبي تضيفي وصفة تكون بتعمليها في الميكرو ويف اتفضلي نتبادل الخبرة مع بعض
نورتوني و شكرا ليكم على التقييم لو عجبكم الموضوع
يا ريت اكون قدرت افيد حد فيكم
و اللي عندها أي استفسار انا تحت امرها
و لو تحبي تضيفي وصفة تكون بتعمليها في الميكرو ويف اتفضلي نتبادل الخبرة مع بعض

نورتوني و شكرا ليكم على التقييم لو عجبكم الموضوع
منقول

وهنا معلومات صحيه عن المايكروييف
المايكروويف ..صحى ام ضار؟؟؟
سؤال هام ...وللاجابه عنه بحثت فى الانترنت وخرجت بالنتيجة التالية
قبل الاجابة على هذا التساؤل يتوجب علينا شرح فكرة عمل فرن المايكروويف:

ما هى أشعة المايكروويف؟

اشعة المايكروويف هى جزء الاشعة
الكهرومغناطيسية ذات طول موجي طويل يقاس بالسنتمتر في المدى من 0.3 إلى 30
سنتمتر تنتج هذه الأشعة في الطبيعة عندما يمر تيار كهربي من خلال موصل وهي
تشبه موجات التلفزيون والراديو والجوال كما تستخدم في الاتصالات ونقل
المعلومات واجهزة الاستشعار عن بعد واجهزة الرادار ومن هنا فإن استخدامها
في الطهي هو جزء بسيط من تطبيقاتها العملية العديدة،
كما تدخل ايضاً فى العديد من الصناعات

اذن ...الاشعة الكهرومغناطيسية موجودة حولنا فى كل مكان

فكرة عمل المايكروويف
يستخدم فرن
المايكروويف اشعة المايكروويف لتسخين الطعام الموضوع في داخل الفرن، وللعلم
فإن اشعة المايكروويف هي أمواج راديو ذات ترددات 2500 ميجاهيرتز وهذه
امواج الراديو عند هذا التردد تمتلك خاصية هامة هي:

[size=16]الخاصية الأولى
أن أشعة المايكروويف تمتص بواسطة الماء
والمواد الدهنية والمواد السكرية، وهذا يعني أن جزيئات تلك المواد تمتص هذه
الاشعة مما يكسبها طاقة تجعلها تتذبذب بدرجة كبيرة وتتصادم مع بعضها البعض
وتنتج حرارة التسخين اللازمة لطهيها.

الخاصية الثانية
أن المواد البلاستيكية بجميع انواعها
والمواد الزجاجية والسيراميك والفخار لا تمتص أشعة المايكروويف ولا تتأثر
بها، وهذا يعني أنها لن ترتفع درجة حرارتها، أما المواد المعدنية اللامعة
مثل الالومنيوم فيعكس تلك الاشعة ولذا يحظر استخدامها داخل افران
المايكروويف

التصميم الفنى لفرن المايكروويف
يعتمد التصميم الفني للفرن على تركيبات
متداخلة من الدوائر الكهربائية والأجهزة الميكانيكية لإنتاج وتنظيم الطاقة
اللازمة لتسخين وطهي الطعام، وبصفة عامة فإن فرن الميكروويف يتكون من
نظامين رئيسيين للتشغيل وهما:

1- وحدة التحكم :
تتكون من مؤقت الكترونى ومنظم للطاقة
الكهربائية وأجهزة أمان فعند مرور التيار الكهربائى من مصدر الطاقة عبر
الاسلاك يمر على مجموعه من الفيوزات المصممة لإبطال عمل الفرن فى حالة حدوث
ماس كهربائى او اى خلل تشغيلى اخر ...
2- وحدة إنتاج الفولت العالي
هى وحدة تقوم بمضاعفة الفولت الناتج الى 3000 فولت تقريباً
وعندئذ تقوم وحدة المجنيترون (الوحده
المسئولة عن انتاج الاشعة) بتوليد الموجات الكهرومغناطيسية وتنتقل عبر قناة
معدنية الى منطقة الطهى
يتم توجيه هذه الموجات الى الطعام من
جميع الجهات عن طريق القاعدة الدوارة وتظل بداخل الفرن حتى الانتهاء من
الطهى ..عندها تتوقف هذه الموجات تماماً

كيف يقوم الفرن بالطهى
يقوم المايكروويف بطهى الطعام من الداخل
الى الخارج عكس الافران العادية التى تقوم بالطهى من الخارج الى الداخل
حيث تنتقل الحرارة من الفرن الى الوعاء ثم الى الطعام.

اما المايكروويف فيتم تسخين الحرارة عن طريق اثارة جزئيات الماء المكون للطعام وليس عن طريق توصيل الحرارة.

ومن هنا نستنتج من توضيح فكرة عمل فرن
المايكروويف أن لا خطر من استخدامه حيث أن الاشعة المستخدمة هي أشعة
الراديو التي تحيطنا والاشعة المنبعثة من الفرن لا تخرج إلى خارجه كما أن
نظام الحماية يوقف هذه الاشعة بمجرد فتح باب الفرن.

أسئلة واستفسارات:

هل استخدام المايكروويف يضر بالصحة أم لا؟ وإذا كان ضارا ماهي الية تفادي هذا الضرر؟؟
لا يوجد اى ضرر من استخدام اجهزة
الميكروويف ولا ضرر منها على الصحة لان اجهزة افران الميكروويف مصممة على
ان تكون اشعة الميكروويف مركزة على الوعاء الداخلي للفرن والاشعة التي
تنعكس يتم امتصاصها على الزجاج الداخلي للميكروويف وبالتالي لا تخرج ابدا
من الجهاز وعند فتح باب الفرن يتوقف انتاج هذه الاشعة مباشرة
وللعلم اجهزة الجوال تستخدم اشعة الميكروويف في الاتصال وهي اشعة تحيط بنا من كل جانب
وكذلك اشعة المايكروويف مختلفة تماما عن اشعة اكس او اشعة جاما الضارة

هل يوجد اوعية خاصة لاستخدام المايكروويف ؟
نعم...الاوانى المستخدمة فى الطهى يجب
ان تكون من مواد غبر معدنية مثل الالومنيوم والقصدير ... لان اشعة
المايكروويف لا تنفذ من خلالها و تنعكس لتسقط على مصدر انتاج الاشعة ..مما
ينتج عنه فساد الجهاز نفسه ..
يعنى نستخدم ...البايركس ...الاوانى الفخارية والبورسلين والصين او اى اوانى مخصصة لمثل هذا الاستخدام

وبناء على ماسبق ... ابحثى واقرأى عن اى موضوع قبل ان تقررى اى شئ ... يقولوا لك الميكروويف للتسخين بس طيب شوفي انا باطبخ و اسخن و اسيح كماااااان 220

يقولوا لك الميكروويف للتسخين بس طيب شوفي انا باطبخ و اسخن و اسيح كماااااان 220

[/size]

شكرا لمروركم

الف شكر حبيبتي

شكرا لمروركم

» ميك اب وتسريحات راااااااااااااااااااااااااااااااااااااااائع شوفي بنفسك
» تعالو شوفي دراجه زوجي وانا !!!!
» شوفي السيكل وش يسوي بالبنات في الهند
» عندك بطاطس زايده شوفي طريقه حفظها
» عشان تخلين اللحم مقطع قطع مرتبه تعالي شوفي كيف