قصة وقصيدة الفارس كنعان الطيّار

السلام عليكم
ورحمة الله وبركاته

قصة وقصيدة الفارس كنعان الطيار

يقول
الراوي:

طبعا الموضوع هذا ماهو غريب عن اغلبكم وسبق ان طرح هنا من خلال
الرغبه بمعرفة اسم الشمريه وكانوا الاخوان يضنون انه بنت عدوان بن طواله وانا كنت
من ضمنهم فاحبيت اطرح القصه الحقيقيه مع ذكر اسماء اشخاصها مع العلم اني رايت انه
قد لمسها التحريف خاصه بكتاب "من ادابنا الشعبيه في الجزيره العربيه الجزء الاول"
للمؤلف منديل بن محمد ال فهيد وراح اذكر لكم ما ذكره في اخر القصه من خلال استناده
الى روايات عنزه

القصه حدثت بين كنعان الطيار وهو فارس من فرسان عنزه وعقيد
مغازي وبين " هيا بنت بن سنان بن طواله الاسلمي الشمري".

هيا اشتهرت بالجمال
والعفه شافه كنعان الطيار وهو كان مارٍ بنزل الطواله المهم نوى له الشر وهو يروح يم
لوه عجوز قال ابيك تخليني استفرد بهيا ولك اللي تبين قالت العجوز الطواله يبون
يرحلون ويامنك شفتهم رحلو ارجع لمراحهم وانا اخليه ترجع يمك.

المهم رحلوا
الطواله وهو يروح كنعان ويجلس بالمراح ينتظر وهو تروح العجوز يم هيا يوم شافت
الطواله ابعدو قالت يا بنيتي ابيك ترجعين للمراح نسيتي لي اغراض هناك قالت هيا
ابشري وهي ترجع هيا على ذلوله وهي على فاله ما تدري.

يوم جت المراح يامار
هذا كنعان يتحراه بغت تهرب لكن ماستطاعت حاصره الرجل وناوي له بالخنا فشافت ان ماله
الا الحيله قالت هيا ياكنعان مايخالف لك اللي تبي بس خايفه حدا عيال عمي يطب علينا
قال وش تبيني اسوي قالت هيا اربط فرسك ورح نط اكالمرقاب اذا شفت المكان فاضي ولامن
احد ارجع وتلقاني متولمه لك.

قال كنعان مايخالف وهو يسوي مثل ماقالت يوم رجع
يامار هيا راكبتن على فرسوه ومخليه لوه ذلوله وهي تنحاش لاهله قال كنعان:

يالله يـــافــــراج يــــاوالــــي الافــــــــراجياللي غني والناس غيرك محاويج

افـــرج لـعـبـد حـــزة الـعــون مـحـتــاجمتـحـيـر ضـاقــت عـلـيـه المـنـاهـيـج

عـزي لمـن خلنـه البـيـض مسـهـاجخـــذن جــــواده واركـبـنــه هجـيـهـيـج

يابـنـت منـهـو باللـقـا يلـبـس الـتـاجلاحــــل بـالـربــع المـقـفـيـن تـزعــيــج

والقصيده اطول من
كذا

المهم ان كنعان اعجب بعفاف البنت ومحافضته على شرفه ونوى يتزوجه راح
وخطبه لكنه رفضت فقام وزعج اكثر من جاهيه ياما وافقت عليه المهم الرجّال
تزوجه

استقرت معه عند قبيلته مع البطا بدا يشك به "لانه سبحان الله دائما
الانسان يشوف الناس بما به يعني تسانوه تسذوب يحسبن الناس كلهم يتسذبون عليه
وتسانوه سروق يحسبن الناس سرقان وتسانه خاين يحسن هالناس يبون يخونون
بوه"

المهم ان كنعان بدا يشك به انه تخونوه من وراوه فقرر انوه يختبره وكان
شاك برجل من جماعته راح وسرج الفرس قالت هيا وين تبي قال كنعان ابي اغزي واخذ لي
حول هاليومين والثلاثه مشى بطريقه يوم جاء بالليل وهو يرجع يمه وهو يتلثم وهو يدخل
عليه يامار هيا بالفراش وهي تقعد بوه قالت من انت قال انا فلان وهو يذكر اسم الرجل
اللي هو شاك بوه وهو تضربه باللي عنده المهم انه انجرح فوق حجاجه

هرب كنعان
ودري انوه ظلمه وانه شريفه رجع له عقب يومين على انو راجع من المغزى يوم استقبلتوه
وهي تشوف الجرح فوق حجاجه قالت وش هالجرح ياكنعان قال ابد وقعت من فوق الفرس هي
دريت انه اللي دخل عليه بالليل وحلفت انه ماتقعد له بالبيت.

مار ماتقدر
تنحاش قالت انا مالي الا اقرب شمري وانخاوه وهي تسمع ان فيه واحد يمشي مع عنزه
اسموه هتيمي بن جرطان المختاري الشمري المهم قدرت انه تستفرد بوه وهي تنخاوه، قالت
انا بنت عمك وابيك تنحاش بي، قال هتيمي مايخالف بس شوفة عينك ماعندي لافرس
ولاشي.

وعنزه ان دريت تبي تلحقنا قالت هيا ابد ماعليك اطيب خيول عنزه عند
كنعان وانا مستعده اسرقه لك.

المهم سرقت الفرس وانحاشو هي وهتيمي ولاوقفوا
الا عند الاسلم حول الاجفر

كنعان تحسف على اللي هو سوا وارسل اكثر من جاهيه
واكثر من زوره عشان يرجعه لكنه رفضت وعيال عمه رفضو
فقال دامهم بالطيب ماجو
ماللي الا بالقوه ويغزاهم كالمغزى وتصير بينهم معركه حول الاجفر بين الاسلم
وعنزه
وينهزمون عنزه

ويرجع كنعان مره ثانيه ويغزاهم وينهزم ايضا المهم
انه غزاهم اكثر من مغزى وهزموه ولاقدر يرجعه ياما مات

يقول كنعان:

يـاراكــبٍ مـــن فـــوق حــــر مــشــذرمــادنـــق الــرقـــاع يــرقـــع ارهــوقـــه

امــــة لـفـتـنـا مــــن عــمــان اتــذكــروابــــــوه تــيــهــيٍ تـــعــــدد عــمــوقـــه

يـشـبـه نـعــامٍ فـــي جــذيــب تــحــدروالا الـنـداوي يــوم تـرخـي سـبـوقـه

ينـصـي قطـيـن ساكـنـيـن بـالاجـفـرتلـقـى عشـيـري كـنـه الـبـدر فـوقــه

ابــو قــرون كـنـهـن ذيـــل الاشـقــرريـح الخضـيـري والعنـابـر نشـوقـه

لاوا عشـيـري حــال دونــه مـسـطـرعـيـال شـمـر هــم حمـاتـه وشـوقــه

حامين من سلمى الى حد الاقـورمــحــرمــيــن ضــــدهـــــم مـــايـــذوقـــه

وجدي عليها وجد مطعون الابهراقـفـى يـجـر مسنـجـد مــن عـروقـه

هذا هو اللي حصل في النهايه
والمعروف عند رواة شمر ان كنعان لم يستطع ارجاع زوجته حتى مات.

منديل الفهيد
في كتابه استند الى رواة عنزه :

وقال ان كنعان ارسل عيال عمه عشان يجيبون
هيا على ان عندهم امراه تولد يوم جت هيا معاهم وهو ويطرحه بالارض ويقضي وطروه منه
فحملت منه هيا وكذا استرجعه" وهذا غير صحيح

هذا الموجود
بالكتاب

واكتفى بقوله ان رواة شمر اكدوا انها لم ترجع ولم يتطرق لمعارك
كنعان اما الطواله وانهزاموه باكثر من معركه
بل ان بعض الرواه قال انها وصلت
الى عشر غزوات كذلك قصيدته المذكوره

منقولة كما جاءت مع بعض
التعديل في كتابة بعض الكلمات.

بارك الله فيك غاليتي

» مغامرات كنعان وحنظلة
» أم محمد الفارس - الخبز المغربي .
» ... موقف وقصيدة ...
» قصة وقصيدة ( حب لا ينسى )
» قصة وقصيدة < وش هالظــــول>>>>>>