محاوره بين الشاعر محمد الفليج ابو علي وناقته

هذا القصة حصلت للشاعر محمد الفليج المكنى / ابو
علي

يقول ابو علي يوم من الأيام رحت لصديق لي اجلس عنده
واتقهوا انا واياه ومع السواليف

قال لي يابوعلي عندي لك ناقتن زينه مانتب شاري مني
ها الناقة قلت الا ابشريها منك بس

وينهي رحت انا وياه بالليل يورينيها ولاي اشوف
جهامها من بعيد كانها زينه وفي جمبها

سطل ازرق ابو 30 لتر يقول لي حليبها يملاء السطل
قلت له لا انا يكفيني نصة

ولاي هاك الوقت يقول ابوعلي ودي اتبدوى واجرب
البداوه والله واتساوم انا وياه المهم يقول

شريتها منه واخذتها وحطيتها عند واحد من الربع في
شبكة قلت اجيها الصبح وانا معي السطل

نشرب من حليبها ونفلها
المراد يقول ابو علي يوم جيت لمها الصبح ولقيتها يا كافي فيها 37 مسوى ولاها
جرباء

لا وفاطر يعني عجوز لا حليب ولا يحزنون المهم ضاق
صدر ابو علي منها وراح يشاور اهل العرف

بالنياق يوم شافوها قال يابو علي من وين شار
هاالناقة قلت المهم قد وزت وشرينها وصار اللي

صار قال الظاهر يابو علي ان هالناقة جدة نياق نجد
كلها لكن جبلها فحل لعل يضربها تجيبلك بكرة تستفيد منها

المهم يقول ابو علي ضاق صدري منها وحطيت فيها
هالابيات ويقول الناقة طلعت شاعرة واخذت

ترد علي واخذت اتحاور انا واياها
وأخذت اقول :ــ

ياناقتي حاديتي كل البعارين
من يمي شبك بس عين يجني
حتى فحل حمدان رخو
الذراعين
لا عاده الله خيب اليوم ضني
كلن يعود يومي يلمحس بالعين
لهن بـلا ياولـولا
يرحمـــــــــني

ردت علي قالت
::

يابوعلي إلى غادى الليلي ليلــين
باصير في المبرك وخلهن يجني
وابندعس بين النـــــياق
المزاييـن
يالله عساهن بالغـلط
يضــــرينـي

رديت عليها قلت
::

عقب العشاء ياناقني جبت فحلين
ومن الهياج حنوكهن يزبدنــــــــي
يــوم وصلنس مابقى
غير مترين
جاهــن اجفال وعودن
يركضــني

ردت علي وقالت
::

يابـو علي ذولــي فـحولن ردييــن
وفحولي تال الوقتي ما يعجبـنـــي
الله على عصرٍمضى
لي من سنين
يومــني اطـربـهن عــلى كلي فني
يوم الفحل لاشافاني سلهم العـيـن
ومن زودي شـوقه
للمـلاقــا يـحـني

رديت عليها
وقلت::

اللي مضى انسيه يامقطع الشين
ترى الفطير بهالعمر يركـدنـــــي
ديدس غدى مثل الحشف
فالعراجين
وقـفاس يـدخـل فيه عود
المغني

ردت علي وقالت
:

يابـو عـلي ميلتي كل المـوازيـن
ورميت اسهومك في الضمير اضربني
وفشلتاني عند الحضر
والبداوين
ياطـعـيس تكـفى وينك اليـومي
عـــني

رديت عليها قلت
::
اطعيس حاسبته مع الخمسه الفين
في شريتس يوم المشاكل غابني
لو كان سعرس مايوصل الا
خمسين
قبلت حدتهم وماصاب وضني

الشاعر: ( محمد الفليج
)

بارك الله فيك غاليتي

» قصة وقصيدة الشاعر محمد بن راشد الهزاني
» قصة غريبة بين الشاعر الأمير محمد السديري والشاعر مرشد البذال ؟؟؟؟؟؟؟؟؟؟؟؟؟؟؟
» الشاعر مبارك الصرف
» قصة وقصيدة الشاعر جحيش بن مهاوش
» قصة وقصيدة الشاعر عبدالله بن رشيد