روعة المنتدى نائبة المديرة
sms : الجنس : عدد المساهمات : 35966 تاريخ التسجيل : 10/06/2011 الموقع : بين من اختارهم قلبي العمل/الترفيه : مشرفه سابقا قسم الحمل والولاده والاستشارات الطبيه المزاج : هادئة جدا.
| موضوع: لاصار جدك ماترك لـك ملاييـن .... ماهوب لازم تشتري لـه ضحيـه الأربعاء نوفمبر 21, 2012 3:36 pm | |
| الشاعر سعود جمعان المطيري من الشعراء المبدعين
وقد حصل له موقف مضحك قبل فترة قصيرة
يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه
وهو يتشكى كان مركز بعيونه على سعودجمعان
قال له سعود هالأبيات:
|
يا ابن الحلال اللي تشكـى علينـا | حنّا لنا بوضع على الله مشاكيه |
كانـك تحـرى للعـطـا مــن يديـنـا | عزالله إنك عندنا ما أنت لاقيـه |
ماهو ردى بس أرثع الوقت فينـا | ماعندنـا ماناكـلـه دون نعطـيـه |
|
..................................................
ومرة كان سعود جالس بمجلس وكان فيه شيخ يحدث ويقول من ضمن الحديث إننا بأعظم نعمة بتاريخ البشرية
قال له سعود : ياشيخ أنا عندي مداخلة
قال له الشيخ تفضل
قال سعود هالأبيات:
|
ياشيخ شخيت الضحـى فـوق ثوبـك | وانته تروغ عن نحور الصواريخ |
النعمـة الـلـي بــس ياشـيـخ دوبــك | ماتحسـب أكبـر نعمـة بالتـواريـخ |
وإن كـان هــذا بالتـحـدث أسلـوبـك | فعز الله إنك لقطـة غليـس ياشيـخ |
|
..................................................
وزماااااااااااان كان سعود طالع من المسجد ولقى وحدة رافعة يدها وتشحذ عند الباب قال لها سعود:
|
يابنت ياللـي بالمساجـد تطوفيـن | كفـي يدينـك قبـل نأخـذ ريالـك |
حـنــا تـرانــا كـلـنـا مستحـقـيـن | ماهو أنتي اللي مستحقة لحالك |
لو لا الحيا شفتي وزانك ثلاثيـن | أحد يميـن منـك وأحـدٍ شمالـك |
مرفـعـيـن إيديـنـنـا ومتـقـاعـيـن | الموجب إن أحوالنا مثل حالـك |
|
..................................................
ومرة بعد جا سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري
|
أنـــا لـقـيـت الـبـنـك مــثــل اخـويـايــه | مايقضـي الحاجـة إلــى جــاه محـتـاج |
أمــس الضـحـى مـريـت كـــل زمـلايــه | وكــلٍ عـطـى لــه بالمعـاذيـر منـهـاج |
وضنـيـت بـاقـي فــي رصـيـدي بـقـايـه | وحركـت نـاصٍ حـارس البنـك هجـاج |
ودقـيـت رقـمـي صـــح مـابــه روايـــه | طلع على الشاشة : لا داعي للإزعاج |
|
..................................................
وسعود ما عمره دخل البنك لأنه يقول
|
يـا أهـل الوظايـف قـولـوا الحـمـدلله | على معوشتكم ولـو رزقهـا ضنـك |
أنـا وجنـسـي رزقـنـا لــو وصفـنـاه | حوذ الحنك مافيه زودٍ عن الحنـك |
ماطـاح قــرشٍ فــي يديـنـا قرشـنـاه | ودايم طفارى الله يجيـرك ويامنـك |
الـبـنـك لـــولا لـوحـتـه مـاعـرفـنـاه | من قل ماندخل على موظف البنـك |
مـاغـيـر نـقــرا لـوحـتـه ونـتـعــداه | وإن قيل هذا البنك قلنا اتركه عنك |
لاوا هـنــيــك يـالـغـنــاوي هـنــيــاه | تـرقـد وحـنــا بـالـدراهـم نـمـونـك |
نفـرح إلـى مـن المـعـاش استلمـنـاه | ويـهــج مـنــا قـرشـنـا ويتـزبـنـك |
والله يالوتـصـرف ربــع ماصرفـنـاه | ليصيبك السكر مع الضغط والتنـك |
ولـولا جهدنـا وجهدنـا اللـي بذلـنـاه | ماتنفـخ ذروبـك وتـمـلأ مخـازنـك |
مـيـر المـقـدر مالـنـا غـيـر نـرضـاه | مرزقك منـا وسقمـة أرقابنـا منـك |
|
..................................................
طبعا والشاعر سعود جمعان المطيري هو صاحب القصيدة اللي يرددون الناس بيتها الأول دايم
والقصيدة هي
|
لاصـار جـدك ماتـرك لــك ملايـيـن | ماهوب لازم تشتـري لـه ضحيـه |
قل له ياجـدي جعلـك مـن المناجيـن | والله ماتـسـوى قيـمـة البـربـريـه |
عقبتنـي للـديـن ومـصـارع البـيـن | ومن زين طبعك كاتبٍ لك وصيه؟ |
لو أنت ما أخذ لك من الخد حوشين | يوم الأراض بـلاش وسـط العليـه |
إن كـان تلقانـي مـن أهـل الدكاكيـن | مطنـطـخٍ هالـحـيـن مـيــة بـمـيـه |
لـكــن يـاجــدي ضحـيـتـك بـعـديـن | إن سهـل المـولـى ثمنـهـا علـيـه |
حنا بوقتٍ شين وأشين من الشيـن | فيـه الخـوي ماعـاد ياثـق خـويـه |
| |
|
moon_light3 نائبة المديرة
sms : رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ
الجنس : عدد المساهمات : 31908 تاريخ التسجيل : 10/06/2011 الموقع : القفطان المغربي العمل/الترفيه : طالبه المزاج : هادئه جدا
| موضوع: رد: لاصار جدك ماترك لـك ملاييـن .... ماهوب لازم تشتري لـه ضحيـه الأحد نوفمبر 25, 2012 2:46 pm | |
| | |
|