السلام عليكم ورحمة الله وبركاته
بنات اش خباركم
ليوم انقدم ليكم بغرير نتمنا تجربوه وتردو عليا حيت انا اكيدة مغتبقا تخطاكم هاد المقادير تيجي خفيييييييييف و متشبعيش منو و ربي شاهد عليا
انعطيكم مقادير لي تتخرج ليا طبسيل ديال الطاوس مقبب تحطيه ف الطبلة بوجهك حمر خخخخ
يا بسم الله
3 كيسان سميدة رقيقة + 4 معالق ديال فورص + 5 كيسان ديال لما
لعبار بلكاس ديال العنبةشوية لخميرة ديال الدار جهد معلقة صغيرة و 3 خمارات حمرين و قبيصة ديال الملح
كنخلط هاد المقادير فواحد الاناء بيديا من غير الخمارات الحمرين هادو نخليهم حتا الاخييير
وندير كلشي فمولينكس ونعطيه للطحين واحد 5 دقائق متآآآآآابعة وهادا هو السر ديالو تيجي تبارك الله مفشفش
انخليكم مع الصور باش تفهمو كتر
[/SIZE]
ونعطيها لطحين كيما قتليكم حتا متبقاش ديك السميدة محبحبة ويولي عندنا لخليط كيما هكا
من بعد ميطحن الخليط مزيان نزيد لخمارات ونزيد واحد 2 ضريبات باش تخلط لخمارات مع الخليط
نرد لمقيلة ديالي تسخن مزيآآن و نبدا نخبز خاص لعافية متكون مجهدة متكون خفيفة بين وبين مهم تنقصي عليها
تبارك الله ها التخراڭ بدا ههه
ونقدمو الطبيسيل مع زبيدة و عسيلة دايبين ممممممممم بالصحة و الراحة
اه على فكرة انا هنا راني درت غير نصف لمقادير حيت كاينة غير انا وراجلي
وصافي
لا تنسوني من دعاوتكم
دمتم بخير