بايلا في دقائق

المقادير
150g كروفيت
150g كلمارمقطع
صدر دجاج مربعات
فلفلة خضرة مربعات(الا كانت متوفرة بالالوان ديرو نص من كل وحدة)
جزرة مربعات
شوية جلبانة
بصلة محكوكة
مطيشة محكوكة
معدنوس مقطع
ورقة سيدنا موسئ
350g روز كلاصي
بزار ملحة سكنجبير زعفران معلقة مطيشة ديال لحك كنور ديال لحوت
زيت بلدية



فوق عافية متوسطة نشحرو بصلة و مطيشة و معدنوس مع توابل و زيت



نزيدو دجاج و كلمار



نشحروهم واحد خمس دقائق و نزيدو الخضر كاملة


نمرقوا بلتر من الماء (انا كنفضل نديير الماء يغلي مع قشور كرفيت كنصفيه عاد كنمرق كيف مبينة صورة) كنسدو عليه عشر دقائق علئ الاكتر غي لوقت باش يطيب دجاج



من بعد نحلو عليه و ندوقو المرقة واش متبلة مزيان نزيدو الروز و لكروفيت و نقصو العافية تكون مهيلة و نردو لغطا بلا مانسدو






غادي تخليه يطيب على نار مهيلة حتى يشرب الروز المرقة
تقدري تزوقيه بالفلفلة ملونة مشوية
كيجي هائل و هاهو بالصحة و الراحة

رووووووووووووووووووووووووووووووووووووووووووووووووووووووووووووووووووووووووووووووووووووووعة
اميرة شكرا لك والله كنت نقلب عليها بهاد الطريقة شكرااااااااااااااا لك
لكي مني احلى تقييم واذا جات على خاطرك ثبتيها كموضوع مثبت

عاشقة الجنة كتب:

رووووووووووووووووووووووووووووووووووووووووووووووووووووووووووووووووووووووووووووووووووووووعة
اميرة شكرا لك والله كنت نقلب عليها بهاد الطريقة شكرااااااااااااااا لك
لكي مني احلى تقييم واذا جات على خاطرك ثبتيها كموضوع مثبت

الف شكر لك غاليتي هدى على طلتك البهية و على تقيييييييييييمك و تثبيت الموضوع
لك كل الحب