السلام عليكن و رحمة الله
عزيزاتي عضوات منتدانا الحبيب
اليوم تشهيت الطاجين ، وكانت عندي الخضرة قليلة ( شوية من كل حاجة)
فقلت في بالي علاش مانجربش نخلطهم مع بعض ونشوف النتيجة
بالذوق والصورة ، فكان مذاق الفول مع الكرعة والقوق رائع
حطيت أول شئ الزيت فالطاجين وحطيت بصلة مشنفة
ثم اللحم أنا كان عندي شوية دالعجل ، ثم العطرية التقليدية ديال الطاجين
يبزار ، سكينجبير، الخرقوم البلدي ، ثومة غبرة ، والملح
سديت عليه وخليتو يتقلى على حرارة مهيلة من غير مانضيف الماء
أنا ماعنديش المجمر بالفاخر اكتفيت بالكهربائي
لما بدأ يدخل الطياب على اللحم زدت ثلاث ملاعق كبيرة ماء دافئ
لاأكثر لأني ماكنبغيش المرقة كثيرة ، والخضرة غتطلق الماء ديالها
ثم حطيت الفول
وزدت عليه الكرعة من بعد ما نجرتها بالسكين الخاص باش تجي مزخرفة
ثم القوق والحامض مرقد وشوية معدنوس ونصف مكعب مرق اللحم
لأنه كيفما كتعرفوا الكرعة باسلة ، وخليتو يكمل طيابه حتى عقدت المرقة
وهذه هي النتيجة ، إوى كيف جاكم ياك بعدا طاجين
sms
