طاجين الدجاج بالجلبانة مرفق ببطاطس في الفرن من المطبخ المغربي.

اليكن المقادير:

الدجاج+بصلةمشلظة+بصلةدوائر+مطيشةدوائر +جلبانة+توم+حامض مرقد +السمن والتوابل .



كنديرو فالطاجين ملح+ابزار+سكنجبير+شوي كامون وتحميرة+زعفران حر+خرقوم بلدي+قزبورومعدنوس مقطعين+حامض مرقد +تومة محكوكة+سمن ونشرملو الدجاج ونخليوه شوي.



من بعد نزيدو البصلة مشلظة والزيت البلدية والرومية ونردوه يتشحر مزيان.



من بعد نفرشو تحت الدجاج البصلة دوائر ونغطيوه بيها.



ونزيدو الجلبانة ومطيشة دوائر ونرشو ملح وابزار ومعدنوس من الفوق ونغطيوه يطيب بالمهل.



ثم نأخد بطاطا نقطعوها أطراف كبار أو بطاطا صغيرة ونردوها تغلى شوي فالماء والملح.



ونأخد المعدنوس والملح والابزار والتحميرة والكامون والموطارد والزبدة والزيت البلدية.



ونشرملو البطاطا ونديروها فمول وندخلوها للفرن حتى تحمر.



هاهي فاش خرجات من الفرن.



و ها هو الطاجين مشحر مزيان.



وهنا عند التقديم مرفق بسلطة.

بارك الله فيك حبيبتي موووون على مرورك الطيب لفصحتي ... ربنا لا يحرمني منك.