حبيباتي في الله
مبروك عواشركم و الله يبلغنا و إياكم الشهر الفضيل و نحن بأتم الصحة و العافية و يقدرنا على الصيام و القيام و يتقبل منا و منكم صالح أعمالنا.
لأني من محبات الحرشة بكل أنواعها ,فين ما لقيت شي مقادير كنجربهم.
هاذ الحرشة اللي غادي نحط ليكم الطريقة ديالها اليوم عجبتني بزااااف و نتمنى تعجبكم.
بسم الله نبدأ
حريــــــــشات الفران
المقادير
500غ سميدة رقيقة
كاس العنبة دقيق فورص
ملعقة صغيرة خميرة الخبزمطلوقة في شوية الماء دافي
كاس العنبة زيت
كاس سنيدة
2 خمارات الحلوة
حفنة النافع البلدي
كاس و نصف ديال الماء دافي
السميدة غليظة للتزيين
الطريقة
في القصعة نخلط المقادير اليابسة (السميدة و الدقيق و السنيدة و الخميرة الحلوة و النافع)
نضيف للخليط الزيت و نبسسها مزيان حتى تتلبس كل حبات السميدة بالزيت
عاد نزيد الخميرة المطلوقة في الماء و الماء دافي و نخلط بأطراف الأصابع باش ما يطلقش السميدة الخيط و تتعجن.
نتركها ترتاح شوية و تتشرب الماء
و من بعد نشكلها كويرات صغار و نمرمدهم في السميدة الغليظة
نستفهم في اللاطة مباعدين
و نزوقهم بالموس على الشكل اللي في الصورة
و ندخلهم للفران و نتركهم حتى يتحمروا مزيان
و هذا الشكل النهائي
اللهم أدمها نعمة و احفظها من الزوال
أخواتي الكريمات لا تنسوني من صالح دعائكن بظهر الغيب
و جزاكن الله عني كل الخير.
أحبكــــــــن في الله
sms
