مجتمع لا يرحم المرأة...انتظر ردودكم

مجتمع لا يرحم المرأة

كل بنت تحلم تصير عروس و تلتقي بفارس احلامها و تعيش بالاحلام الوردية قبل ما تنخطب او بأثناء الخطبة
بس المجتمع ما بيرحم حدا في حال انخطبت البنت بعمر صغير يعني 14 او 15 بيصيروا يقولوا (اهلها بدون يخلصوا منها) او (كأنو ابنت فيها شي عيبة) و في حال البنت قررت ما تتزوج لتكفي دراستها يعني لعمر ال22 او 23 بيصيروا يقولوا (اي شو رح تنفعها الدراسة ) او (بكرة بتعنس و ما حدا بياخدها) و لو كانت البنت عادية بمواصفات متوسطة و اجاها عريس لقطة و حلو و مأمن حالو بيصيروا بيقولوا ( اي شو عجبو فيها) او ( اكيد مطبقتو و طمعانة فيه) و اذا اجاها عريس حالتو ع قدها بيقولوا (اكيد اخدتو عن حب و غصبت اهلها يوافقوا) و طبعا في حالات كتير ما انذكرت ....هي طبعا بس قبل الزواج

اما بعد الزواج
ف بيبدا النق ع اصوله اذا صار حمل من اول الزواج بيقولوا (لسا بسم الله ما لحقوا شو صاير عليهون خليهون يتهنو بكم شهر عسل لحقانين عالواع و الويع )
اما اذا تأخرت العروس بالحمل بتبدأ الاسئلة المعروفة ... ما حملت ؟ ليش شو السبب؟ ما عم تروحي ع دكتورة؟
و كأنو في مشكلة كبيرة و بيحكوا و كأنون متأكدين انو العطل من المرأة و زوجها سليم 100%
و اذا صار و تأخر الحمل لاكتر من سنة بتبدأ التعليقات الجارحة عنجد متل ...شو ما عم تعرفي تحملي نجي نعلمك هاهاها؟ او .... اذا ما بتحملي هاد الشهر رح نبلش ندور لزوجك على عروس ؟؟؟؟ و كأنو الشغلة بايدينا ايمت ما بدنا نحمل بنحمل

اما اذا المرأة بديت تحمل و تجيب بنات بيصيروا يقولوا (شو هالخلفة ما بتجيب الابنات) و حتى لو جابت صبي ما بتخلص بيصيروا يقولوا (لازم تجيبيلو اخ).....الخ

أما عن حالة الزوجة مع زوجها نفسه فاذا كان السبب من المرأة و الزوج متسلط بيصير بيهتها عالطالعة و النازلة انو هي ما بتجيب ولاد و طبعا البعض بيعلق تعليقات اقسى و بيبلش يهدد انو رح يتزوج ...الخ اما اذا كان الزوج بيعرف الله ف بيصبر و بيدعي ربه و بيتوكل على الله بس هاد ما بيعني انو المرأة رح تعيش بحالة نفسية مرتاحة بالعكس رح تبقى الوساوس انو شي يوم رح يخلص صبرو و يتزوج عليها و للاسف هاد اغلب الاحيان بيصير و حتى لو صبر الزوج لشي 10 سنين بالآخر بيفكر بالحل البديل مو كرها لزوجته لا بس مشان يشوف ابنه قبل ما يموت
اما اذا كان السبب من الزوج فما على المرأة الا الصبر و تحمل حكي العالم و تعليقاتون و محاولة جميع الطرق ليصير حمل بدون تذمر من الزوج بالعكس الخوف دائما من جرح مشاعره او حتى فتح الموضوع معو واذا فتحت الموضوع معو بيكون بعد مليون مقدمة
بس السؤال اللي بيطرح نفسه......ليش اذا ما نجحت و لا طريقة للحمل و السبب الزوج المرأة بتسكت و بتقول هيك الله كتبلي اما في حال العكس بيتزوج الرجل مرة تانية و ما بيحرم حالو شي؟؟؟؟؟
او حتى لو فكرت المرأة تتطلق و ما عاد تتحمل تعيش بدون ولاد لتتزوج مرة تانية ...ليش المجتمع بينظرلها انو هي الجارحة القاسية الناكرة للمعروف؟؟؟؟؟
السبب انو المرأة هي دائما الضحية و الرجل بيحقلو يعمل اللي بدو ياه و اول شي بيقولوه الاسلام حلله يتزوج 4
طيب و قلب المرأة و عواطفها و مشاعرها ما حدا بيحس فيهون؟؟؟

من زمان لما لا كان في طب و كانت الولادة بتصير ع ايدين الداية كان اذا مضى اكتر من 3 شهور و ما حملت العروس فورا يتزوج الرجل وحدة تانية و لو التانية ما حملت يرجع يتزوج تالتة و رابعة بدون ما حدا حتى يشك انو في احتمال يكون السبب منو.....طبعا هاد التفكير ممنوع
بس كان البرهان الوحيد لما يتزوج وحدة ارملة او مطلقة و يكون عندها ولاد من قبل ع قولتون هي مجربة و اذا بعدها ما حملت وقتها بس بيتأكدوا انو السبب منو

طولت عليكون يا حلوين و بالنهاية بقول الله يصبر كل مسكينة عم تعاني من قسوة المجتمع
حبيت اكتب فكرتي عن هالموضوع و عن العادات و التقاليد اللي ما زالت مستمرة ببلادنا و للاسف و خاصة اني عم اسمع كتير عن هالحالات و عن عذاب المرأة منها
اما عني انا فالحمدلله سمعت تعليقات من الناس لشبعت مع انو السبب من زوجي بس ما خليت حدا يعرف من مين ...و الحمدلله الله عوضني بالاخر...و اي وحدة عم تعاني هيك بقلها استعيني بالصبر و خلي ايمانك بالله كبير

انشالله يكون عجبكون موضوعي و عم استنى تعليقاتكون او اي حدا بيحب يضيف اي عادة انا غفلت عنها يقولها
سلام يا حلوين
ناطرة ردودكم

والله موضوع جميييييل جدا وبالفعل هذا ما حصل معي
انا لما كنت قبل الزواج اي وحدة تلتقي معي تسالني لسه مااا تزوجتي
ولما يسمعو بعريس اتقدملي ياااا ترى ليش مااا وافقتي معقووول في حدا بحياااتك
ولما تخطبت من ويييين جيبتيه ههههههههههههههههههههه لقيته يعني ببونكس
ولما اتخطبت امتى كتب الكتاااب والله بحكي عن جد وربي يشهد
لما كتبت كتااابي تخيلي وش يسالووون
اكييييييييييييد عرفتو امتى العرس [ندعوك للتسجيل في المنتدى أو التعريف بنفسك لمعاينة هذه الصورة]

شكرا لك يا ام علي يا اجمل كيوتي والحمد لله لرجووعك بالسلالالامة ودخلتي بموضوووع قوي
هههههههههههههههههههههه

عاشقة الجنة كتب:: والله موضوع جميييييل جدا وبالفعل هذا ما حصل معي
انا لما كنت قبل الزواج اي وحدة تلتقي معي تسالني لسه مااا تزوجتي
ولما يسمعو بعريس اتقدملي ياااا ترى ليش مااا وافقتي معقووول في حدا بحياااتك
ولما تخطبت من ويييين جيبتيه ههههههههههههههههههههه لقيته يعني ببونكس
ولما اتخطبت امتى كتب الكتاااب والله بحكي عن جد وربي يشهد
لما كتبت كتااابي تخيلي وش يسالووون
اكييييييييييييد عرفتو امتى العرس [ندعوك للتسجيل في المنتدى أو التعريف بنفسك لمعاينة هذه الصورة]

شكرا لك يا ام علي يا اجمل كيوتي والحمد لله لرجووعك بالسلالالامة ودخلتي بموضوووع قوي
هههههههههههههههههههههه

تسلميلي يا احلى هدهد فعلا ارضاء الناس غاية لا تدرك مو بس بموضوع الزواج و الاولاد بكل شي بهالحياة
انشالله يكون في تفاعل من باقي الحلوين
سلام يا قطة نورت موضوعي[ندعوك للتسجيل في المنتدى أو التعريف بنفسك لمعاينة هذه الصورة]

موضوووووووووع جميل ومعاااااااااش ...وقصتي نفسها قصة اختي عاشقة الجنة .... البارك لنا في صاحبة الموضوع....شكرا لكي

فعلا كلامك صحيح البنت طول حياتها اول اشي انخطبتي ومشوار طويل من الاسئلة بعدين انخطبتي موال متى الزواج بعدين اتزوجتي موضوع الحمل من اول شهر وليش تاخر الحمل طيب حملتي وجبتي ولد متى تجيبي بنت وجبتي بنت متى تجيبي اخو لولدك واخت لبنتك وبعدين يعني شو الحل احسن اشي اتبعي طريقة طنش تعش تنتعش وارضاء الناس غاية لاتدرك شكرا كيوتي على الموضوع المميز

هههههههههههههههه دا انا اكلت من الحاجات كتيييييييييييييييييييييييييييييييييييير بالهبل بجد والله حاجة غريبة

الله يهدى بالهم ويتركونا بحالنا

والله صدقت يا كيوت فعلا هاد هيك مجتمعنا شو بدنا نعمل

هلا بلولو الحلوة و الله نورت المنتدى

» سفر المرأة مع المرأة بدون محرم .
» لا يوجد مـعاق و لكن .. يوجد مجتمع معـيق !
» كيف زنت تلك المرأة؟!
» المرأة والأحدب
» من أسرار المرأة