قصة شاااب خطيرة

كنت نايم..وبعالم الاحلام هايم..
مادري في شو كنت أحلم
مره أحس إني أسوق سيارة..
ومره أقول كنت مضيف طيارة..
كان الجو بارد..
وكنت متغطي وشارد..

رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وأنا كلي شك وظنون!!
وبـرقة بعد ماكنت عصبي أنا إنسان حنون..

سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت.. <<

قلت :هلا
وقالت : أهلين..
نورة .. موجودة؟؟

قلت وأنا صوتي رايح فيها..
لحظه شوي بناديها..
وجلست أصوت وأقول نورة .. يامن نورة يلاقيها..
ورديت للسماعه وقلت مادري وين راحت الله يهديها..

بس دقيقة ماعندنا نورة!!
وبادر البنت خوف!!
قالت آسفة غلطانة..
قلت ولا يهمك عادي لا تكونين زعلانة؟؟
مايهم اذا ماعندنا بالاسم فلانة..

قالت شكلك كنت نايم..
قلت لا.. توني قايم..
قالت تدرس ؟؟

قلت الدراسه خلاص باح..
انتي شكلك تدرسين؟؟
كيف اختباراتك ؟؟ عسى أنكم مرتاحين..
قالت باقي لنا ونخلص يومين
وخايفة والله من مادتين..
قلت من الاختبارات لآ تخافين..
دامك الليل تذاكرين..
وعلى الله تعتمدين..
واللي يزرع جح ( بطيخ ) ما يحصد يقطين..
أهم شي إنك ماتنسين..
قبل الاختبار الله تدعين..
ومن إبليس تتعوذين……..
خلقه من نار وخلقنا من طين.. وجلسنا نسولف في أمور..
من شو إسمك إلين غلاء المهور..


قالت اسمي (ود) وقلت لها وأنا محمد..
وقالت صدفه غريبه أسامينا فيها دال..
تصدق كنت أتمنى يسموني نوال!!
تصدقين وانا كنت اتمنى يسموني جمال

وجلسنا نسولف في بحور الشعر والموال..
وماهمنا كلام الناس والعذال..
وفجأة خلصت السوالف ولا لقينا اللي ينقال؟؟
وسكتنا..


وبدلع..قالت أنت تشجع النصر؟؟

قلت في قلبي.. مادري أجاوبك بكف ولا بنعال..
بالله عليك هذا سؤال؟؟

قلت أنا عيناوي.. وما يهمني القيل والقال.. << أحلى
هذا ألاعيبه هذا حبه طاح في القلب ولا ينشال..
والشمس مايغطيها مشخال..

قالت شمعنى العيناوي!!..
قلت يا بنت.. العيناوي فن ولعب ويفوز باللي حضر..
وجمهوره له كلمة وأمر..
يابنت..لا تغريني بالكثير..
لو تضربين مليون بصفر تساوي صفر.. << إحم

و حتشرنا وشبينا.. بس بسرعة انطفينا..
الظاهر بعضنا هوينا..
وبدرب الحب ابتدينا..

قالت.. محمد..
قلت آمري يا ود..
قالت أوصف لي شكلك..

هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
إني ماني طويل ولا قصير..
شعري ناعم مثل الحرير..

قالت والعيون..
قلت العيون شبرين في ثلاثه اشبار
قالت أسد..
قلت شكرا يا احلى شهد

المهم تواعدنا..
والموعد باجر في المول قررنا..
بين خوف وأمل تواعدنا..

وقضيت ليلتي في حيرة..
وش ألبس؟؟ جنز ولا كندورة والله حيرة..
مافي غيرها يفك الحيرة.. شيشه و تعميرة..


ورجعت للبيت أعاتب أمسي وأبتسم لغدي..

وبصعوبة نمت.. قعدت اتقلب وون..
يا قلبي قلي شو اللي من الحب أهون؟؟

غريبه هالدنيا غريبة..


وراحت ليلتي.. وزادت بلوتي..
اليوم موعدي.. انا والحب بنلتقي..

وكشخت
لبست فوق راسي غترتي..
في مكان اللقاء تغيرت حتى خطوتي..
صرت أرتجف وأترنح بمشيتي..
كأني أنساق للموت وهاذي نهايتي..

مب سوالف شجاعة.. هذي اكبر بطولاتي..
إذا خسرت بتضيع أحلى أمنياتي..
جلست أدور وألف وحول المكان أطوف..
وين هذيك العين اللي عليها قلبي ملهوف..
ود؟؟ ياليت الناس تجي وتشوف..





وفجأة..



وصلني مسج..
يقول..
سويتها فيك
رد بيتكم وخل عنك هالسوالف ياتـعبان


روح نام ..
تعيش وتاكل غيرها
و سويتها فيك ..






:المرسل

V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V

الــــــــــــــــــوالدة

هههههههههههه

مشكورة قلبي على مرورك العسل

منورة ياقمر