سالفة وقصيدة ( عزة النفـــس )

يقول الراوي ياساده ياكرام

7
7
7

هذي سالفة
يرويها الشاعر سويلم العلي السهلي رحمه الله يقول حنا سنة من السنين وافق عندنا
ربيع ونازلين في

هكالجو يحدنا من شرق ضلع مطاول من الجنوب للشمال نازلين
بمحل ربيع أرضه طيبة بالحيل , يقول جينا

ونزلنا في طرفها من الجنوب ومعنا
غنم وحلال ويوم قعدنا لنا مدة وينزل عنا شمال ناس وعنا غرب ناس ومن

كل عرب
نازلين حولنا لكن حنا اللي أطرفهم من جنوب يقول العرب هذولا أكثرهم عندهم حلال
ورعيان

ويرحون منا يمين ويسار وإذا جا الليل بعض المرات يسير بعضهم على بعض
هالعرب يعزمون بعض والى فيه

ناس توهم نازلين ومن شمال ويوم جا مرة من
المرات توافق عزيمة عند القريبين ويعزمونا ونروح لهم أنا وأبوي

وقعدنا
عندهم وراعي البيت يرحب وإلى عنده حريم وله عيال ما شاء الله واجد وقاعدين يصبون
القهوة في بيت

الشعر ومستانسين ويسولفون وسالفة تدور وقهوة تجي وقهوة تروح
الحاصل إن المعازيم راحوا وتفرقوا وطلعت

أنا وأبوي وبطلعتنا والى تمر ذيك
البنت بنت لراعي البيت عليها جلال وتسوق الغنم بنت متعافية وجميلة جدا

يقول
وأنا اللي أنصاب من هالبنت من أول نظرة يوم شفتها بس معي أبوي ولا اقدر أقول شي (
ايه تعرفون

تبلعون العافية إذا جا معكم احد سالفة وقصيدة ( عزة النفـــس ) Sweatdrop

) ومرت الأيام ونتوافق على
ماردا وعلى السيل والى البنت فعلا غاية في الأدب

والجمال حتى هو كلامة دمث
وأخلاقه طيبه هذا كان عفه العرب وسلومهم حتى لو لقى بنت وما عندها أحد

يكلمها كلام عادي ويمزح مزح شريف وعفيف وتلقاه يسولف مع البنت وهي بعيدة
عنه , وتمضي الأيام وتخافت

البنت دمه وشافته حليل وصار دايم يفكر فيها
ويشوفها وإلى جا الليل صار يهوجس فيها وليت من يزورهم وليت

من يروح بس ما
يقدر يروح لكنهم يشوفون بعض دايم ومضت مدة وبدا هالربيع الي هم فيه يضعف شوي ودايم

العرب يتابعون حلالهم ويرحون يمين ويسار وإلى الجبل اللي يحدهم فيه طيور
وفيه ملازم ماء فوق وهو ضابط

مكانهم ,

ويوم جا يوم من الأيام عقب
مدة بعد ما توافقوا كم مرة ودائما البنت الذكية إلى وافقت مثل هذا حتى لو مهوب

من عربهم ما تبين أنها ما تبيه تمنيه وتعلقه وتخليه معلق بخيط أرهف من
الشعرة وتقوله أنت حبيب وطيب وأنا

ما شفت أحسن منك ولا أحسن من أخلاقك
ويتعلق هو ويحسب هالحكي أنه صدق وهي تسنع خبزتها ما دام أنها

هنا علشان لا
سمح الله ما يصير عليها اعتداء يصير المسأله حب شريف وهي على اللي هي عليه هي
تلقاها في

فكرها أما موبدة لها ولد عم وإلا واحد قريب مهوب معقول تبي تعشق
واحد من بعيد وتأخذه ولا هوب العلم

عندها العلم عن أهلها .

الحاصل
يقول يوم جا يوم من الأيام وأعدي على هكالضلع جبل رفيع وأمشي وأطالع وأشوف يقول
ماقدرت

أشوفهم ولا أستكشف المنطقة هذي إلا اذا عديت هالضلع ويوم رقيته
وإلاني أشوف الناس يشدون اللي يروح

شمال واللي يروح غرب شادين كلهم وأقرب
عن مكان الطيور ويوم طالعت وبرقت زين وإلى والله هذولاهم

يشدون يطون كل شي
بيروحون وإلى كل هذيك الأيام يفكر ومعجب فيها من لباقتها وعلومها وأنها ما تسمع
كلام

أحد ورايها براسها وياصفها وياصف جمالها يمكن أنه لا محها وشايفها (
المحه ذبحه سالفة وقصيدة ( عزة النفـــس ) Icon2611

) عن قريب أو من ورى

البرقع طيره الهوى
المهم انه شايف شي ( ما تخلون المناظر سالفة وقصيدة ( عزة النفـــس ) Icon1611

) ويقول عاد قلت الأبيات هذي

يـوم عديـت فـي راس الطويـل العسيـر

دونــي الطـيـر خـفـاق الجنـاحـيـن حـــام

بــادي فـيـه اطـالـع ويــن قـــاد النـشـيـر

احـــــد قـــــاد قـبــلــة واحـــــد قـــــاد شـــــام

آه وا قـــد قـلـبـي يـــوم قـــض الـحـجـيـر

كـــن قـلـبـي يـقــد بـحــد بــــاري الـعـظــام

كــن قـلـبـي يـقــد بـحــد مـــوس شـطـيـر

اثـــر راع الــمــودة لاشــكــى مــــا يــــلام

المصيبة إلـى جـا الليـل عقـب الأخيـر

كـــل نـاظــر يـنــام ونــاظــري مــــا يــنــام

كيف ابنسى وليف ما استمع للمشير

مـــا يـطـيـع الـخــوال ولا يـطـيـع الـعـمـام

مــع لباقـتـه علـومـه فـيـه زيــن غـزيــر

قــرن ضـافـي ووســط خـافــق يـاســلام

الـمـطــوع إلـــــى مــنـــه نـظــرهــا يـحــيــر

تفـتـح ابـصـار عقـلـه مــا يـــرد الـكــلام

خده اشقح عفر وصفه تقل به ذريـر

نــور خــده يـقـادي نــور بــدر الـظــلام

والشفايـا حمـر تشـدى سلـوك الحريـر

والـثـنـايـا تــــلالا بــيــض حــــدر الـلــثــام

اشـغـل القـلـب يـاالاسـلام طـيــر يـطـيـر

بـالـلـحـن يالله انــــك لا تـعـيــد الـحـمــام

ويقصد في ( اشتغل
القلب ياالاسلام طير يطير ) يا العالم يا المسلمين يا ناس , راحوا وشدوا وابعدوا
وصار ينشد

عنهم وإلى ما عندك أحد ومدري من جاب له العلم قال هي ما سألت عني
قال ياحليلك الحين تصدق هذاك أول

يوم أنك قريب عندها لكن إذا بعدت وغابت
العين عن العين ما عاد يمدي يرحون الناس ويلهون في أشغالهم , قال

بس أنا
متعلق فيها وفي حبها وأثرهم راحوا ونسوني وهو يقصد ذيك القصيدة بعد مدة ويقول فيها
:

يــامــل قــلــب كــــل مـــــا نــامـــوا الــنـــاس

مــن اللـيـل يـاخـذ ربـــع سـاعــة ويـاعــي

فـإلـى وعــا جـتـه الهـواجـيـس مـــن راس

وقـــــام يـتـقـلــب فـــــي فــراشـــه ويـــاعـــي

ولــــــولا ضــلــوعــي لـلـمـعـالـيـق حـــبـــاس

لافـــــوع فــوعـــة واحـــــد مــــــن قــطــاعــي

قطيع غرب وغطلس الشـوف الادمـاس

بــــارض خــمــال وخـارشـتـهـا الـسـبـاعـي

ودلـــــى يــلـــوج وكـــــل اشـافــيــه يــبـــاس

وتــــاه الـطـريــق وراح فــكـــره ضـيــاعــي

وجـنـه سـبـاع مــع سـنــا الـلـيـل غـــلاس

مـسـتــفــرســات ومــمــســيــات جــيـــاعـــي

صـكــن عـلـيـه ومـزعــن عـنــه الألـبــاس

يــشـــل دمـــــه مــــــع طـــمـــان ورفـــاعـــي

لـيــن اودعـــن ثــربــه بـرجـلـيـه يـنـحــاس

عــنـــد الــضـــواري راح مــالـــه شـفــاعــي

يا أهل النضا ياللـي علـى كـوار جـلاس

بـــتـــر الــفــخــوذ مــذلــقـــات الـســمــاعــي

شـعـل مواشعـهـن مـثــل شـاهــي الـكــاس

مـــــدربــــــات بـــالـــســـهـــل والــــجــــراعــــي

اليـا سربـن مـع صحصـح تقـل قرطـاس

مــع عـرضــة الـزيــزي يـجـيـه الـجـلاعـي

ريــضــوا لـعـلــه مـــــا يـريـضـكــم الــبـــاس

عـوجــوا لـــي ارقـــاب الـنـضـا بالـوقـاعـي

وشيلوا وصاتي للغضي عذب الاجناس

الـلــي مــــع الـمـرســال وصــلــه جــزاعــي

لا جـيـتـوا المـجـمـول مـدقــوق الالـعــاس

مــدمــلــج الـعـضــديــن زيــــــن الـــذراعـــي

قـولــو تـراهــا قـطـعـت عـنـهــا الارمــــاس

يــطـــوي الــعـــزا وأنـــــا كــــــلاي دواعــــــي

مـن باعـنـي بعـتـه وأنــا قـاسـي البـاسـي

حـــتـــى واصـــــــد بــنــاظـــري لا يـــراعــــي

لـــو أن كــبــدي كـنـهــا فــــوق مـحـمــاس

عـزمــي قـــوي مـانــا خــطــات الـزعـاعــي

ياعـيـن هـاتـي واطــوي الصـبـر والـيـاس

مـعـطــيــك مــهــلــة دامـــنـــا بـالــوســاعــي

اطـــوي عـــزاك وتـرســي كــــل هــوجــاس

مـــا ظـنـتــي عــقــب الــفــراق اجـتـمـاعـي

بارك الله فيك غاليتي

» قصة وقصيدة < وش هالظــــول>>>>>>
» قصة وقصيدة محسن الهزاني
» قصة وقصيدة..عابرة سبيل...
» ... موقف وقصيدة ...
» قصة وقصيدة ( حب لا ينسى )