قصة الوليعي (( مسلم ))

[size=21]السلام
عليكم ورحمة الله وبركاته

أنقل إليكم هذه القصة بعنوان: قصة الوليعي (( مسلم
)) شهيد الحب العذري

وإن شاء الله ما تكون موجودة بالقسم

هذه القصة
والقصيدة لأحد أفراد قبيلة جهينة العريقة ......

تدور أحداث هذه القصة في
الزمن الماضي أي ما يقارب الـ 200 سنة .....أترككم مع القصة :

هذا واحد من
ابناء الباديه من قبيلة جهينة _وأغلب الظن حسب ما سمعت من كبار السن إنه من ( ذبيان
) من جهينة
حول جبل رضوى شمال ينبع كان عمره 10 سنوات واسمه مسلم ولقب بعد القصه
اللي صارت عليه بلقب (( الوليعي مسلم)) لتولعه بمحبوبته .

وقصته انه كان
يتيم وصغير بعمره وكانو ربعه باديه يربعون لين يوصلون الشفا بين تيما وحايل بوقت
الربيع ثم يرجعون لدياره وشاءت الاقدار بما انه يتيم انه يشتغل راعي عند اقبيلة
عنزه المجاوره لقبيلته وكانت تسرح معه بالبل بنت معزبه واسمها ظبيه وكانت اصغر منه
بسنتين وكانوا اطفال اذا حسبناها بوقتنا الحالي .

وكان يحب ظبيه وكل ما كبر
يكبر حبها له لين اصبحوا في عز شبابهم لكن مايدري هل ظبيه تحبه والا لا فقرر انه
يسأل عجوز عنها قالت له انا مالك عندي علاج بس لك عندي خطه والخطه هي انك تسوي نفسك
مقروووص واللي يخاف عليك هو اللي راح يمص الدم عنك.

وفعلا جا وسط البيوت
وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت ظبيه
مسرعه يوم شافت انه مسلم نقزت على ابهام رجله وقامت تمص الدم فعرف انها تحبه.

وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام
وفزعت لابوها وقالت له ووصل الخبر لعيال عمها فتوعدوه رجعت ظبيه وحست انهم دروا
عنهم رجعت لمسلم وقالت له اركب الذلول الفلاني وارجع لاهلك وحطت بخف الذلول ابره
عشان يسرع.

جو عيال عم ظبيه راكبين على الجيش ويحدون ويقولون مسلم لو مسكناه
قطعنا كف يمناه فركب على الذلول وراح لديرته برضوى ويوم وصل هناك كان له اخ من امه
اسمه سويلم وكان هو اللي يداريه ويعطف عليه .

لكن مسلم تغيرت حالته ولا
يتكلم ولا ياكل حاولو بشتى الوسائل انه يتكلم بس ما تكلم وجلس مريض فتره طويله
ونحيل واخوه احتار بحالته وقرر انه يوديه لكاهنه عندهم قالت له طلعه ضلع رضوى
فووووق اذا كان عنده علم يبي يقوله لك واذا كان شاعر يبي يقول قصيده.

وفعلا
طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره
اللي يطلع له يمد نظره على مسافه بعيده ويوم طلعو فوق قام سويلم وشب النار وسوا
القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي
عشان يبعد عنه ويسمعه يمكن يقول شي وراح عنه.

قام مسلم من مكانه وجا على
راااس الهويه وجلس يخايل بعيونه فوق وتحت ومد نظره جهة ديار ظبيه وكأنها يشوف
الطلحه اللي كانو ينامون عندها ويتخيل ظبيه وايامها معه وتكلم بس تكلم بقصيده
والقصيده على طرق الهلاليين وطرق الهلاليين معروف و تقول القصيده :

يـقــول الولـيـعـي والولـيـعـي مـسـلّــم

مـــن دامـــت ايـــام الـصـبـا لــــه دام

لــــو إن عــجــات الـصـبــا يـجـبـرنـه

كـمـا يجـبـر الجـابـر كـسـيـر عـظــام

ليالي الهوى مثـل الربيـع ليـا زهـى

وش حـيـلـتـي مـــــا لـلـربـيــع مــقـــام

قـاري قـرانـي يــوم قـرصـت بهـامـي

غـروٍصـغــيــر مـــــــا عــلــيـــه لـــثــــام

قراني وهو يسفح من الدمع ناظره

لــيــتـــه قـــرانــــي والــعــيـــون نـــيــــام

رقيت في رضـوى ورضـوى منيفـه

وأخـيـل فــي عيـنـي جـنــوب وشـــام

أخـيـل فــي عيـنـي طلـحـة ناعـمـيـة

ســـــلام يــــــادار الـحـبــيــب ســــــلام

يــامــرتــع لــلــنــوق تــــــوي لـقــيــتــه

في خشم و(علـة) مـن يميـن ردام

يـالـيـتـنــي يــــــوم دنــتــنــي مـنـيــتــي

بـديـار (ظـبـيـة) عـــن ديـــار تـهــام

أنا جيتكم من راس رضوى عشيّة

كـمــا شـــن غـــربٍ بـــاد مــنــه وذام

وهذا البيت الاخير قاله يوم نوى يرمي روحه من الجبل، احس اخوه انه يبي
يرمي روحه من الجبل وركض عليه فعلا بس ما لحق الا على عباته واخذها ونزل تحت لقى
مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على
بدرره او شنه وركب الجمل اللي جا فيه مسلم من الديره اللي هو كان فيها وقال لازم
اروح للمره اللي تسببت عليه واشوفها.

وفعلا راح يم ديرتهم وهو يعرفهم وسوا
نفسه يدور له جمل وينشدالناس جت ظبيه من بين الناس له مسرعه قالت له
اسألك بالله
راع القرون هذي حي والا ميت ؟

قالها راعي الجدايل هذي جا مريض وما يتكلم
وطلعناه راس رضوى وقال لها القصيده فما كان منها الا انها شهقت وماتت.

رجع
سويلم اخو مسلم لديرته وكان متأثر بقصة الهوى هذي فتهيض ببيتين يقول فيها
:

والله مـــا لـــوم الولـيـعـي ولـــو طـــااح

من راس رضوى والعوض به عباته

ميـر اذهنونـي عنـد هـبـات الاريــااح

لا ذب عـمــري ثــــم اســــوي ســواتــه

وسلامتكم

علماً أن القصة والقصيدة ذكرت في كتاب : (( الأدب الحجازي )) للكاتب / منديل
الفهيد .. أو حمد الجاسر

منقوووول

[/size]

بارك الله فيكي غاليتي رووووووووووووعه وجعل الله كل ما تقومين به في ميزان حسناتك

» أبو مسلم الخـــولانى
» أنا مسلم -محمد المقيط .
» رسالة من رسول الله.. إلى كل مسلم
» أين تدفن النصرانية الحامل من زوج مسلم ؟
» لماذا أسلموا - من مسيحي كاثوليكي لداعية مسلم .