السكوت الي احتواني سبته كثر الطعون

والله اليوم عندي قصيده بسيطه كتبتها في موقف صار لي ويه واحد من ربعي



هو طبعا ربيعي من سنتين تقريبا .. وكنت اشووفه طيب وحبوب .. بس للاسف
عرفت حقيقته عقب


واكتشفت انه ( بو ويهين ) واناني .. وهمه مصلتحه بس ..
ونيته مب صافيه !!


ويمكن هو بلا كرامه ولا اصوول !! ويشوف الناس شراته
!!


عالعمووم بعد الحركه الي سواها .. انا اكتفيت بالسكوت اول شي ومارديت
عليه


بس هو درى اني زعلان .. وكان يتصل بي وانا لابسنه .. او اقوله
مشغول واتهرب منه


فهو اخر مسج طرشلي اياه بعد ما تعب .. قالي ( ليش
ساكت ؟ )


فرديت عليه بهذي القصيده وطرشتله اياها مسج





السكوت الي احتواني سبته كثر
الطعون
والجروح الي غزتني عمرت فيني الحزن !


ماهقيت الصاحب الي
منزله وسط العيون
قد شطب معنى الوفا يوم اقفيته وطعن !


( للمعزه ..
والموده ) كنت متأمل يصون
ويبقى في دربي سند من غرابيل الزمن


كنت
اظنه انسان صادق مستحيل انه يخون
ظني في بيت الاصاله والشهامه قد سكن
!


كنت اظنه من رجال ٍ في الشدايد يفزعون
وآآحسااافه يوم اني كنت اظن
وكنت اظن


اثره ابيوم ٍ وليله .. خيب آماااال وظنون
واكتشفت ان
الدنائه تعتبر قلبه وطن !


شخص مثله بلا كرامه .. يتبع الي يدعون
(
بالرجوله )..بس مابه في فعايلهم رزن !


وانا لي (كلي رزانه) واشهد انها
ماتهون
وآتزين بالطباااااع .. الي لـهـا قـدر ووزن


شامخ ٍ ما اهتز
شاني .. ثاااابته فيني الركون
وان كثر زلزال غدره .. مايحـــرك بي ركـــن !!!



يا كبرها .. من مصيبه .. في زمانك .. لو تكون
الصداقه .. مثل
سـلـعـه بيعها بارخـص ثمـن !!


مابقت للدنيا حولي فــي عيوني اي لـــون

بعد ما ( ماتت ضماير ) .. والنوايا ماصفن !!