رغايف معمرين على شكل ضفيرة بالصور

المقادير:

كلغ طحين فورص ، 250ج طحين سبيسيال ، م ك زيت البلدية ، معلقة كبيرة موطارد ، معلقة كبيرة زبدة ، م ك سنيدة ، 1 خميرة الحلوة ، شوية خميرة الخبز ، ملح ، إبزار



نخلط العجين بالماء البارد ثم نعركها مزيان ونعمل منها كويرات صغار ونتركها ترتاح



الحشوة:

125غ بورو ، 100غ شعرية الصينية ، 250غ كروفيط ، 100غ الزيتون أخضر بلا عظم ، نصف حامضة مرقدة ، م ك مطيشة الحك ، 2 م ك معدنوس مقطع ، ضامة البنة الحوت ، م ك زيت الصوجا ، حك صغير شامبنيو ، ملح ، إبزار
هريسة ، فروماج أحمرمحكوك



نقطع البورو ونشحروه في مقلة مع زيت البلدية حتى يدبال من بعد نزيد الشامبنيو مقطع و الحامض مقطع ثم جميع المقادير و المعدنوس هو الاخير لما يتشحر الكل نضفو النار ونزيد زيت الصوجا و الفروماج محكوك




نورق العجين بالزيت مثل الرغايف



نطويها على شكل رغيفة ونكمل جميع الكويرات التي عندا




من بعد نورقها من جديد ونشرطها بالسكين كما في الصورة



نعمل الحشوة في الوسط



من بعد نجمع الجوانب مثل الضفيرة حتى يصبح مثل هذا الشكل





وفي الاخير ندهنها ببيضة مخلطة ب نصف م ص موطارد وندخلها إلى الفرن

تبارك الله عليك
سلمت يداك