مشاركتى فى مسابقة اجمل قصة فى الغربة

بسم الله الرحمن الرحيم
انا قصتى طويلة معلشى استحملونى واسمعونى
انا معروفة هنا سمسمة
(نسمة ) انا مصرية الجنسية واخر اخواتى وابويا وامى جايبنى فى سن كبير
يعنى جاية فى الوقت الضايع وكمان بيقولوا عليا فاكهة العيلة

انا
وانا لسة بنوتة فى بيت اهلى كان الكل يحب يزور بيت اهلى علشانى لانى كتير
حبوبة وبضحك وعشرية واجتماعية فوق مااى حد يتخيل كلهم بيقولوا ليا كدة انا
دلوعة بابا وماما وعلطول طلباتى تجيلى لبس وفسح وخروجات خلصت الثانوى
العام ودخلت كلية علوم واتخطبت لابن بنت خال امى كان كبير عنى 14 سنة انا
وقتها كان عندى 18.5 ولكن محصلشى نصيب كان غيور كتير ابى حزن جدا عليا
علشان كنت لسة صغيرة وحصلى كدة المهم يوم ماكنت بسلم الشبكة ليهم بالليل
تانى يوم ابى كان يرجع دم ونقلناة على الطوارئ طبعا انا كنت لسة بالسنة
التانية بالجامعة وكان ورايا لسة دراسة وكدة كنت بمووووووت لانى حسيت
بقيمة ابويا اوى وقتها وحسيت ان ضهرى هيتقطم منى لو جرالة حاجة وقتها لكن
ربنا سترها وقام بالسلامة ووضعة كان مستقر لكننا كنا عارفين انة عندة كبد
ودوالى مرئ وكنا كلنا بنعاملة وكانة طفل والفترة دى ابويا اتعلق بيا اكتر
حد وانا كمان اتعلقت بية اكتر حد وامى كمان بحبها وبخاف عليها جدا جدا
لتموت وتسيبنى ربنا يعطيها الصحة ويخليها ليا وخاصة انها كبيرة سن

واتخطبت تانى لدكتور بشرى بس بعد ماخلصت الكليةكان عمرى 21 وقعدت سنة وسبع شهور
ولكن
ربنا مااردشى انها تكمل وفشكلت ابويا تعب نفسيا لانة شاف ان الدنيا مقفلة
معايا شويتين بقيت اصعب علية قعدت فى حضن ابويا من ساعة مااتخرجت من
الجامعة لانى جامعتى كانت بالقاهرى نفسها لكن انا بالمنصورة فكنت مغتربة
لحد بعد 6 شهور بالظبط واتخطبت لجوزى وقتها عمرى 23 وشهر ومقلكوش ابويا
على قد ماكان عاوز يفرح بيا ويجوزنى على قد ماكنشى نفسة انى ابعد عنة ولو
للحظة

يوم كتب كتابى تعب جدا جدا لدرجة اخواتى انا لا طبعا كانوا يقولوا انة هيجرالة حاجة وعاوزين يجوزونى قبلها المهم
اتجوزت
وبابا انا اتجوزت شفتوا الحظ جارى جنب بيت عيلتى يعنى علطول كنت عند ابويا
انا اللى كنت بخدمة واحمية لحد لما ربنا رجعة تانى لحالة الاستقرار اللى
كان عليها وجة جوزى سافىر بعد الجواز ب4 شهور السعودية

فعدت انا
بقى مع ابويا 3 شهور بالتمام والكمال اتعلق بيا اكتر واكتر وصحتة بقت زى
الفل ونفسيتة تمام ويقولى متخلهوش يبعتلك دلوقتى بعد 3 او 4 سنين


لحد لما سافرت يوم3/1/2010 سلمت على ابويا وقلتلة بابا حبيبى اوعى يجرالك
حاجة انا مسافرة وهسيبك يقولى هتسيبينى لمييييييييييين
اااااااااااااااااااااااااة كل ما بفتكر الكلمة دى بتعب قد اية

وجيت القصيم بالسعودية والغربة ااااااااااااااااااااااااااه بس هنعمل اية الصراحة جوزى كان حلو اوى معايا جدا جدا
لدرجة
انا مش كنت بفكر فيهم فى مصر خالص ورحت عملت عمرة وفرحت وكلمت بابا وقلتلة
انا فى بيت ربنا وفى الحرم النبوى وهوا مبسوط بس كان بيرد مش طريقتة معايا
كدة صوتة متغير بس انا مكنتش مركزة من حنية جوزى وهوا كان كويس اوى معايا
منسينى الدنيا

و طبعا كنت بكلمهم نت صورة وصوت ودة لمدة 4 ايام
بابا كلمنى مرتين بس اجى اطلبة يقولولى بابا نايم سقعان تحت البطنية ومش
هيعرف يطلع برة الاوضة وهكدا كدب عليا كدب كدب وبابا حالتة بتسوق من ليلة
ماانا سافرت من زعلة عليا جالة جلطة بالطحال وجلطة بالباب الوريدى الكبدى
والجلطات ملت كل جسمة من ليلة سفرى والحالة تسوق لحظة بلحظة وكلهم مخبين
عليا بس حاسة بحاجة مش طبيعية بتحصل هناك كدة بس عمرى ماحطيت ببالى ان
ممكن حاجة تحصل


وكنت طايرة ومبسوطة وسعيدة لابعد حد لحد شهرين
بعد سفرى قبل يوم 26/2/2010 اليوم المشئوم فى حياتى كلها ولا اتعرضت لموقف
زية ابد ابدا فى غربة لوحدى وسط نااااس معرفهمشى ولا اتعرفت على حد لانى
ملقيتشى حد حلو وصادق معايا

لحد مابابا دخل غيبوبة ومش بيتكلم
ويقولولى دا بابا عندة التهابات بالزور ومش بنخلية يتكلم بجد اة هنحط
السماعة على ودنة واتكلمى وهوا سامعك طبعا وبابا فى دنيا تانية

لحد
بكلمهم يوم25/2/2010 بالليل اطمن عليهم الاقى صوت اختى بتقول ضغط بابا وطى
اووووووى الحقوووووا انا قعدت اعيط وجوزى يهدينى يقولى يابنتى دا الضغط
الواطى احسن انا خفت متخيلتش لحد اخر لحظة اى حااااااااااااجة خالص كلمتهم
نت بعد المكالمة التليفون قالولى لا دا بابا ضغطة كان واطى عادى واتظبطت
متخافيش انا اتطمنت وخلاص نمت الليلة عادى

قمت تانى يوم على
الساعة 8 كدة وصلت جوزى وبااى وعادى خالص وجوزى بيروح مواقع بعيدة عنى
بساعات وقعدت اطبخ زى اى يوم برن عليهم اطمن من بعد الليلة دة محدش بيفتح
الخط عليا جميع ارقام العيلة دخلت على النت اكلمهم محدش راضى يفتح فانا
قلقت فتحت الفيس ابعت رسايل ليهم تصوروا ليا بنت اختى حطة صورة ابويا اللى
يبقى جدها وكتبة تحتة الله يرحمك وادعية وانا لوحدى بالشقة والاكل على
الناروجوزى بعيد عنى ب3 ساعات علشان يجيلى مسافة
تخيلوا اعرف خبر موت ابويا بالغربة وانا لوحدى من النت مهزلة اااااااااااة من صعوبة نلقى خبر وفاتك ياابى

انا بصيت للكمبيوتر واقول اية الهبلة دى عبيطة دى ولا اية ازاى تقول كدة
على بابا فى الوقت نفسة اخواتى لما لقونى برن عليهم خافوا يكلمونى وكلموا
جوزى بالشغل قالولوا يقولى طبعا انا بقى صريخ صريخ صريخ واغمى عليا بالارض
ولا حد خبط شقتى وقالى فيكى اية دا اول شئ يحزن فى الغربة
فقت رجعت
بصيت تانى على الجهاز واقول مش معقول ارن عليهم اتأكد وانا فى حالة لا
يرثى لها محدش يرد رنيت على زوجى بالدوام رد بيحسيبنى مش عارفة حاجة لقانى
بصرخ جااااامد قالى عرفتى طيب خليكى انا جاى حالا والنبى متعمليش حاجة فى
نفسك معنديش حد اعرفة يبقى معايا باللحظة دى لانى كنت كمان لسة جديدة
بالبلد

وبعدبن اغمى عليا وانا بكلمة والتليفون وقع من ايدى وصوتة
عمال ينادينى بس انا مش حسة قفل وطلب تانى مردتشى عليى كان مغمى عليا وهوا
يرن لحد لما فقت رديت علية بهستيرية وعياط وصريخ باعلى صوت ليا
ااااااااااااااااااااااااااااااااااااااااااة واكنى بصحرة كان نفسى بضمة
حضن من امى او اخواتى فى الوقت دة بس مفيش لوحدى والاكل بيتحرق على النار
ولا حاسة بحاجة

واخيرا جوزى جة وبردة لقانى شكلى دمااااااار ولوحدى ومرمية على الارض فى زاوية الاوضة
قال
دا انا مت خلاص وفعلا روحى كانت بتطلع من كتر الصريخ والوحدة حسيت
احسااااااااااااااس اااااة منة احساس لا يوصف بجد صعب صعب صعب ولحد الان
لسة ماثر فيا جاااااااااااامد وجابلى حالة اكتئاب اثرت عليا انا وجوزى
ومشاكل بسبب نفسيتى وتعبى وحزنى ووحشتى لابويا اللى مات من غير مااشوفة
بقولة وحشتنى يابا وتعلالى يابا تعلالى تعلالى يابا وحشتنى اوى

بقيت عندى احساس ان ممكن اى حد يروح منى شوفتوا قد اية صعبة الغربة وادينا عايشين راضيين
وكمان
تاخر حملى محسسنى ان كل حبايبى هيروحوا منى حتى ابن اضمة ويكون سند ليا
بعد رب العالمين فى الدنيا الغدارة دى اللى بتاخد مننا اعز الناس فى لحظة

معلشى
انا طولت عليكوا بس المهم كان نفسى ادخلكوا معايا فى حياتى تعيشوها معايا
علشان تقدروا تحسوها يارب مايكتب على حد اللى انا شوفتة

ان لله وان اليه راجعون الله يرحم ابوكي
وابويا وكل موتى المسلمين قصتك حزينة حبيبتي الله يصبرك ويرزقك الدرية الصالحة تملء عليكي البيت
فعلا الغربة صعبة جدا فانا عانيت منها قبل انا انجب ابنتي التي ملات عليا البيت الله يحفضها لي
ولك احلى تقييم يا احلى سمسمة

فعلا تجربيك مؤثرة كثير حبيبتي سمسمة ربي يرحم والدك ويعوضك باحلى زرية
ويخليلك زوجك
تستاهلى احلى تقييم

حبيبتي سمسمة قرأت قصتك المؤثرة جدا جدا وبما أنني نعسانة جدا الآن وتعبانة قليلا سأعود لك في الغد لأعلق على بعض الكلام قرأته في قصتك مثل *الدنيا هذه غدارة وتأخذ منا أعز الناس* وهنا أقول لك سمسمتي كلنا سنموت و لا تقولي هكذا وكل واحد منا سيعيش العمر الذي قسمه له رب العالمين ...وربنا استرد أمانته وأنت كنت بعيدة جدا ولكن هذه هي الحياة وممكن تكوني مع أبوك في نفس البلد ولا يكتب لك تشوفيه لحظة وفاته مثل ما حصل معي حيث أنه توفي والدي وهو مسافر ولم أرى والدي وهو يموت وأنا أيضا مشتاقة له كثيرا ولكن هكذا أراد رب العالمين ..
يا رب يا سمسمة يرحم والدك ووالدي ووالد روعة ووالد مليكة ووالد ياسمين ووالد أحلاهم ووالد مسلمة ووالد دولاما المغربي ويرحم كل موتى المسلمين ...ويا رب يطول في عمر الوالدة حتى تشوف أولادك وأولاد أولادك ...وبلغيها سلامي الحار جدا ولأختك الكبيرة أيضا ...ولا تنسي أنني أختك الكبيرة هنا ومعك في غربتك وللأبد ان شاء الله.
ما زال عندي تعليقات أخرى ...وفي الغد أكمل معك.

moon_light3 كتب:

لا حول ولا قوة الا بالله

الله يرحم ابوكي يا رب ويدخل فسيح جناته


ويرزقك الذريه الصالحه حتى تملى عليكي حياتك

هادي الدنيا لقاء وفراق


والغربه صعبه جدا

ان شاء الله زوجك بيعوضك عن كل شي يا رب يا الله


لك احلى تقيييييييييييييييم


احبك في الله يا فاكهة العيله

حبيبتى ياموون والله انا كمان احبك فى الله
وانتوا الصحبة اللى بتهون عليا الغربة
يااااارب يرزقنا جميعا الدرية الصالحة
ويرحم امواتنا ااامين يارب العالمين
وشكرا حبيبتى لتقيمك

yasmine 4 كتب:

ان لله وان اليه راجعون الله يرحم ابوكي
وابويا وكل موتى المسلمين قصتك حزينة حبيبتي الله يصبرك ويرزقك الدرية الصالحة تملء عليكي البيت
فعلا الغربة صعبة جدا فانا عانيت منها قبل انا انجب ابنتي التي ملات عليا البيت الله يحفضها لي
ولك احلى تقييم يا احلى سمسمة

يارب ياياسمينة حبيبتى يرحم امواتنا واموات المسلمين
الغربة شئ قاصى اوى اوى
وكمان عدم وجود اطفال شئ صعب اوى بردة يلا ربنا يكرمنا ياااارب
ميرسى حبيبتى على التقيم

احلام وردية كتب:

فعلا تجربيك مؤثرة كثير حبيبتي سمسمة ربي يرحم والدك ويعوضك باحلى زرية
ويخليلك زوجك
تستاهلى احلى تقييم

حبيبتى رقية الله يكرمك ياغالية
ويسمع دعواتك يارب
ويخليلنا ازواجنا
ومتحرمشى على تشريفك موضوعى وتقيمك ياعسل

لاحول ولا قوة الا با الله قصتك اخت سمسمة مؤترة جيدا والله يرحم ابوكي ويدخله فسيح جناته ويرزقك الدرية الصالحة ان شاء الله ويصابرك على الغربة

قصتك مؤثرة وأحزنتني جدا فأنا ابي توفى كمان 8-1-2010
وما كنت اعرف انه مريض مرض فجأة شهر ومات
بس سمسمة حبيبتي
كلنا نحب آباءنا بس خلص هاد امر ربنا
لا حزن بعد ثلاث
ولا حزن اكتر من 3 ايام الا على الزوج
الله يحفظ ازواجنا جميع
طبعا العيون تدمع كلما تذكرنا والقلب يحزن لكن الدنيا تمشي وكلنا عهالطريق
انا كتير بفكر آمتى يومي
وبدعي الله يجعل يومي قبل يوم اولادي وزوجي
الله يطوّل بعمر اولادي وزوجي وحبايبي وحبايبكم
طبعا عم احكي هالكلام عشان انت قلت نفسيتك تعبت واثرت عزوجك
وهالشي زعلني
حاولي ترجعي متل اول وبالحب كل شي بيرجع وابوك ادعيله اذا قبره حفرة من حفر الجنة فلا خوف عليه
هو بيكون عم يتنعم بانتظار النعيم الأبدي
انسي الحزن وشوفي كيف ممكن تخدميه
بتخدميه بدعائك له
وبالصدقة وبالغصن الأخضر ذكري اهلك يحطوه عتربته دايما
وعيشي حياتك
والله يرزقك الولد اللي ينسيك غربتك ويملى عليك حياتك
وبانتظار تعليق حبيبتي بشرى

نسرين كتب:

لاحول ولا قوة الا با الله قصتك اخت سمسمة مؤترة جيدا والله يرحم ابوكي ويدخله فسيح جناته ويرزقك الدرية الصالحة ان شاء الله ويصابرك على الغربة

ياااااااااااااااااااااااااااااارب حبيبتى نسرين تسلميلى وميرسى كتير على دخولك موضوعى زاد نور حبيبتى والله

الله يرحم والدك ويسكنه في نعيم جناته

واختي لاتحزني ولاتتضايقي

هذا امر الله لابد منه

وان شالله ربي يهون عليك الغربة

ويرزقك باحلى تؤام 3 مو 2

ويونسوكي وينسوك كل حزنك والمك يااارب

حبيبتي وأختي الصغيرة الغالية سمسمة تأخرت عليك كثيرا ...وان شاء الله سأعود لك في المساء لأعلق أيضا مرة أخرى ويا رب في هذا اليوم المبارك يرحم والدك ووالدي ووالد مسلمة ووالد روعتي ووالد مليكة ووالد أحلاهم ووالد دولاما وكل موتى المسلمين .

د.بشرى كتب:

حبيبتي وأختي الصغيرة الغالية سمسمة تأخرت عليك كثيرا ...وان شاء الله سأعود لك في المساء لأعلق أيضا مرة أخرى ويا رب في هذا اليوم المبارك يرحم والدك ووالدي ووالد مسلمة ووالد روعتي ووالد مليكة ووالد أحلاهم ووالد دولاما وكل موتى المسلمين .

تسلميلى يابشبش والله مقدرة انشغالك ولا يهمك ياحبيبتى انا فى انتظارك فى اى وقت

حبيبتي سمسمة ...أقول لك ولكل أخت مات أبوها ولي أيضا ...الموت حق ولا بد منه ...واذا جاء أجلهم لا يستأخرون ساعة ولا يستقدمون ...والأجل حان لوالدك وأنت بعيدة عنه ...وهكذا أراد رب العالمين ...والله يختار الذي فيه خير للبشرية ...ربما لو كنت معه لكان حصل لك أمر كبير ...والله رحمة بك أراد أن تكوني بعيدة و لا تري والدك وهو يموت .

وأنا مثلك لم أرى والدي يموت ...كان مسافرا وتوفى وهو في سفره ولم يكن معه أحد ...حتى وصلني اتصال هاتفي يخبرني بأنه والدي توفي في منزلنا في مدينة تبعد عن المدينة التي نسكن فيها ب100 كيلومتر تقريبا ...يعني الله أراد أن يتوفى بعيدا .

في أول الأمر لم أصدق الكلام الذي وصلني على الهاتف ...وكل العائلة كانت مصدومة من الخبر ...عندها سافرنا أنا وأمي واخواني الى منزلنا هناك وكانت الساعة تشير الى العاشرة ليلا...وعندما وصلنا هناك ...وجدنا سيارة الاسعاف وصلت للتو والناس متجمهرين ...عندها صدقنا الخبر ....أمي انهارت وأنا بقيت قوية رغم الألم القوي حتى أصبرها على فراق الوالد ...ونحن في المستشفى ...الكل منهار الا أنا ...رزقني الله صبرا لم أكن أتصوره ...يعني لم أكن أتصور أن يكون والدي متوفى في المستشفى وأنا القوية التي كانت تصبر الوالدة واخواني الذكور.

وفي اليوم الموالي حضرنا كل الأوراق التي تخص والدي ...ورجعنا به للمدينة التي نسكن فيها حتى يدفن في المكان الذي كان يوصي به دوما ...فكان له ما أراد.

والله يا سمسمة كم الأمر صعب أن تكوني في السيارة وسيارة الاسعاف وراءك تحمل والدك وهو ميتا ...ولكن ليس لنا الا الصبر وكلنا سنشرب من نفس الكأس...انما المسألة مسألة وقت وهو في علم الغيب والله وحده من يعلم متى يتوفانا .

لذا يا سمسمة أوصيك بالدعاء له وبالصدقة عليه وباهدائه سورا من القرآن ...هذا وحده من سينفعه أما البكاء فلن ينفعه بل يؤذيه وهو في قبره.

سمسمة حبيبتي لازم تكوني قوية جدا مثل أختك الكبيرة بش بش ...حتى لا تتأثر لا نفسيتك ولا حياتك .

الحمد لله حبيبتي سمسم انك بخير والله يصبرنا جميعا ويرحم موتانا وموتى المسلمين
والله يرزقك الولد الصالح اللي يملي حياتك
حبيبتي بشبش
الله يجعله آخر الأحزان عندكم والله يرحم ابوك وابي وابو سمسم وموتى المسلمين جميع

mouslima كتب:

الحمد لله حبيبتي سمسم انك بخير والله يصبرنا جميعا ويرحم موتانا وموتى المسلمين
والله يرزقك الولد الصالح اللي يملي حياتك
حبيبتي بشبش
الله يجعله آخر الأحزان عندكم والله يرحم ابوك وابي وابو سمسم وموتى المسلمين جميع

يرحمهم ويسكنهم الفردوس الأعلى .

د.بشرى كتب:

حبيبتي سمسمة ...أقول لك ولكل أخت مات أبوها ولي أيضا ...الموت حق ولا بد منه ...واذا جاء أجلهم لا يستأخرون ساعة ولا يستقدمون ...والأجل حان لوالدك وأنت بعيدة عنه ...وهكذا أراد رب العالمين ...والله يختار الذي فيه خير للبشرية ...ربما لو كنت معه لكان حصل لك أمر كبير ...والله رحمة بك أراد أن تكوني بعيدة و لا تري والدك وهو يموت .

وأنا مثلك لم أرى والدي يموت ...كان مسافرا وتوفى وهو في سفره ولم يكن معه أحد ...حتى وصلني اتصال هاتفي يخبرني بأنه والدي توفي في منزلنا في مدينة تبعد عن المدينة التي نسكن فيها ب100 كيلومتر تقريبا ...يعني الله أراد أن يتوفى بعيدا .

في أول الأمر لم أصدق الكلام الذي وصلني على الهاتف ...وكل العائلة كانت مصدومة من الخبر ...عندها سافرنا أنا وأمي واخواني الى منزلنا هناك وكانت الساعة تشير الى العاشرة ليلا...وعندما وصلنا هناك ...وجدنا سيارة الاسعاف وصلت للتو والناس متجمهرين ...عندها صدقنا الخبر ....أمي انهارت وأنا بقيت قوية رغم الألم القوي حتى أصبرها على فراق الوالد ...ونحن في المستشفى ...الكل منهار الا أنا ...رزقني الله صبرا لم أكن أتصوره ...يعني لم أكن أتصور أن يكون والدي متوفى في المستشفى وأنا القوية التي كانت تصبر الوالدة واخواني الذكور.

وفي اليوم الموالي حضرنا كل الأوراق التي تخص والدي ...ورجعنا به للمدينة التي نسكن فيها حتى يدفن في المكان الذي كان يوصي به دوما ...فكان له ما أراد.

والله يا سمسمة كم الأمر صعب أن تكوني في السيارة وسيارة الاسعاف وراءك تحمل والدك وهو ميتا ...ولكن ليس لنا الا الصبر وكلنا سنشرب من نفس الكأس...انما المسألة مسألة وقت وهو في علم الغيب والله وحده من يعلم متى يتوفانا .

لذا يا سمسمة أوصيك بالدعاء له وبالصدقة عليه وباهدائه سورا من القرآن ...هذا وحده من سينفعه أما البكاء فلن ينفعه بل يؤذيه وهو في قبره.

سمسمة حبيبتي لازم تكوني قوية جدا مثل أختك الكبيرة بش بش ...حتى لا تتأثر لا نفسيتك ولا حياتك .

حبيبتى يابشبش تسلميلى ياغالية ومتحرمشى من اهتمامك وحضورك ياعنيا
بجد يابشرى انا عارفة كل دة والله بس الراق هوا اللى صعب على الواحد بس انا الحمد للهة اتحسنت بمراحل عن الاول الحمد لله

عارفة يابشبش ياحبيبتى انتى قصتك بردة صاعبة وقاسية اوووووى حبيبتى الله يرحمة ويصبركوا يارب على فراقة والله انا فعلا بقيت قوية كتير عن الاول
عارفة انا قبل ماانزل مصر وبعد موت بابا جالى شعور بالحساسية الزايدة من زوجى بس الحمد لله بنزولى فوقت وتخيلت الوضع كتير والحمد لله والايام بتعدى احسن كتير من الاول
بس انا بعترف ان انا كنت سبب النكد عليا انا وزوجى بعد موت ابويا بس الان الحمد لله بقيت زى الفل
يسلملى ردك ودخولك ليا ياعسل

mouslima كتب:

الحمد لله حبيبتي سمسم انك بخير والله يصبرنا جميعا ويرحم موتانا وموتى المسلمين
والله يرزقك الولد الصالح اللي يملي حياتك
حبيبتي بشبش
الله يجعله آخر الأحزان عندكم والله يرحم ابوك وابي وابو سمسم وموتى المسلمين جميع

تسلميلى يامسلمة يارب ويشفيلك يارا يارب ويبارك فيهم يارب
ويرحمهم امين يارب العالمين

سمسومة قصتك بكتني كتير الله يرحم ابوك و يجعل مثواه الجنة و يخليلك زوجك فوق راسك و يرزقك عن قريب بحمل يملى عليك دنيتك يارب و انشالله ما تعودي تشوفي حزن بحياتك ابدا

احلى تقييم لاحلى سمسومة

cutey كتب:

سمسومة قصتك بكتني كتير الله يرحم ابوك و يجعل مثواه الجنة و يخليلك زوجك فوق راسك و يرزقك عن قريب بحمل يملى عليك دنيتك يارب و انشالله ما تعودي تشوفي حزن بحياتك ابدا

احلى تقييم لاحلى سمسومة

تسلميلى يااحلى كيوتى يارب ومتحرم منك ابدا معلشى انى بكيتك بس يدل انك قلبك حنين وطيب
ويارب يرحمة والله دعيت لية كتير اوى فى الحج يارب يقبل منى
ويارب يخليلى انا وانتى وكل البنات هنا يارب ازواجنا ياكريم
ويااااارب يطعمنى مايحرمنى انا وكل مشتاق ويخليلك ربى على ويبارك فية ويحرصة ويحمية وتشوفية عريش يارب
ويارب مانشوف حزن ابدا يارب وانا يارب يجعل يومى قبل اى حد بحبة امين يارب العالمين

ميرسى ياكوكو على تقيمك ليا حبيبتى متحرمشى من زوقك ابدا