طريقة الخمير او المقصقص اليمني ...مع الشاي العدني بالصور

طريقة الخمير او المقصقص اليمني ...مع الشاي العدني بالصور

الخمير او المقصقص من اكلات اليمن


اليوم جايبة لكم طريقة الخمير او احنا نسمية مقصص وهو اكله يمنية نسويها غالبا بعد المغرب مع الشاي الحليب ( الشاي العدني )




المقادير

بيالتين سمن ( ضروري سمن لايستبدل باي شيء ثاني )
3ملاعق سكر ( او حسب ماتحبي الحلا )
ملعقه صغيرة ملح
ملعقه صغيرة خميرة فوريه
ذرة قرفه مطحونه وربع ملعقة صغيرة هيل مطحون وشوية حبة البركه
كاسه دقيق بر وكاسه دقيق ابيض و3 ملاعق حليب بودر او اعجنيها بالحليب السائل بدل الماء


الطريقة


انخلي الدقيق وحطيه في الصينيه اللي بتعجني فيها ومعاه الملح والسكر والهيل والقرفه وحبة البركه
تسخني السمن على النار الى ان يذوب ويكون حار ... تصبيه على طول فوق الدقيق وهو ساخن ... وتحركية بين الدقيق ...وتفركي السمنة كويييس مع الدقيق .. الين يتجانس كويس ومايكون في اي تكتلات .. وهذه اهم خطوة عشان يكون المقصقص مقرمش
بعد هذا تضيفي الحليب والخميرة وتعجنيها بمويه ... بس العجينه تكون قاسية مو طرية ... وتستمري بالعجن جيييييدا وتحصلي على هذه العجينة




غطيها كويس وخليها ترتاح وتختمر حوالي الساعه... تصير كذه



بعدها .. قمسيها كور صغيرة



وافرديها ... بالنشابه كويس .. لاتخليها رقيقه ولا ثقيله خليه وسط ( او حسب ما تحبي يكون سمك القطعه)



الحين تقطعيها بالحجم اللي تحبي



تاخذ القطع وتقليها في زيت حار غزير .. ومجرد ان تحمر تقلبيها



وتطلعيها وتحطيها على روق ماص .. وتقدميها مع الشاي العدني ..



طريقة الشاي العدني


كاستين ماء + 2ملاعق كبيره سكر +2ملاعق كبيرة شاي بودر + حبتين الى ثلاث حبات هيل + رشه صغييييييرة قرف =


تحطيهم مع بعض في البرادعلى النارالى ان يغلي وطي تحته وخليه يتقلب كويس لين يثقل .. بعدين حطي عليه حليب مركز مثلا ابو قوس او اي نوع تاني الكمية اللي تحبي بس مايكون كل العلبه لانها كثيره على هالمقدار



وطفي تحته وصبيه وقدميه مع المقصقص بالعافيه