صينية جمبري ( قمرون) و الرز البني و حاجات اخرى

السلام عليكم و رحمة الله و بركاته

اهلا و سهلا بحبوباتي الغاليات اليوم غادية نقدم لكن صينية الجمبري

ناخد القمرون و الكلمار ونغسلوه مزيان بالحامض و الخل و نخليهه يستقطرو
نقطعوا كل من المقادير التالية و نخلطوهم مزيان
2 بصلة
3 مطيشة
2 فلفلات حارين خضرين
سكنجبير فريش
4 فصوص التوم
عصير 2 حامضات صغار
1 ملعقة كبيرة خل
الملح
الابزار
الكمون
بهار سمك
الكوزة محكوكة
نخلطوا كلشي مزيان و المقادير حسب كمية السمك
و نرقدوا فيها الجمبري طبعا بقشروا و الكلمار انا كنرقدوا من الليل و كنضيف شوية الكرافس عشان الشربة تجي منسمة بيه و كاس الماء و نديروا صينية فوق البوتاجاز مع التقلاب بشوية حتى يصير لون الجمبري روز و لا بغيتي الشربة بزاف و شفتيها ناقصة زيدي شوية الماء من بعد ندخلوه الفران ياخد تحميرة من الفوق و بالصحة
هده الصينية قبل ما طيب



و هده لما طابت



نجيو دبا للرز
الكمية حسب عدد الاسرة نغسلوا الرز مزيان و نخليوه فالماء تقريبا نص ساعة
ناخدوا بصلة كبيرة و نقطعوها صغيرة و نديروها ما الزيت فالكاميلا و نخليوها حتى تصير بنية من غير متحرق و من بعد نزيدوا الرز المصفى و نحريكوه مزيان حتى ياخد اللون البني ديال البصلة نزيده الملحة و شوية الابزار و نحركوه مزيان حتى يصير مفلفل ثم نضيفوا الماء المناسب و يكون مغلي و نغطيوا و نقسوا عليه العافية حتى يطيب و ينشف
و هدا البصلة قبل متحمر





و هنا ملي ضفت الرز





افقتهم بسبيط مقلي يعني كلامار مقلي
كنرقوا انا من بالليل بشوية عصير الحامض و ملح و ابزار و كمون و سكنجبير و بهار سمك و ثومة محكوكة و بصلة محكوكة و كنمرمدوا فالدقيق و نقليه مدة 4 دقائق بالكثير باش ميبس
وهده صورتوا




و درت سلطة خضرا
طماطم و بصل و خيار و معدنوس و فلفل حار و شوية الملح و الابزار و الخل و قدمتها على فراش ديال الخس


و سلطة الطحينة
2 معالق كبيرة طحينة نخلطوهم مع ملعقة كبيرة دالخل و 2 فصوص الثوم مدقوقين و نزيدوا الماء مع التحريك حتى نحصل على القوام المطلوب و نتبلها بالملح و الفلفل



انا كنقدمها مع رشة شطة
و اخيرا اهم حاجة الشوربة كنصفيوا الشربة من صينية الجمبري و كتكون روعة و بنينة و صحية كتسخن



و بالصحة و الراحة

سلمت وسلمت يداك

ماشاء الله مشهية

مشكورة غاليتي اميرة دمت مبدعة