طريقة عمل الششبرك على الطريقه الاردنية بالصور

طريقة عمل الششبرك على الطريقه الاردنية بالصور

اليوم يا سادة يا كرام جايبتلكم اكلة ممممممم بتشهي يى شو بتشهي هاي قصدي زاكية كثير كثبر
اسمها الششبرك او الشيشبرك موبينا ما بنختلف على الاسم
بس الحلو في ناس بقلها اذان الشايب ما بعرف اصل هالاسم
المهم بالاخر الطبخة نفسها..

ولك يا يوسف ابعد يا ولد..
مجنني هالولد بدو يحط ايدو عكل اشي مصر يحضر معي الاغراض

نبلش يالله
بسم الله

اولا المقادير..

لعجينة الششبرك بدنا
-2 كوب دقيق
2-3 ارباع كوب ماء
رشة ملح


مقادير الحشوة

1-500 غرام لحمة مفرومة خشنة
2-بصلة واحد
3-ملح – بهارات مشكلة – فلفل اسود
4- زيت ذرة

مقادير الشوربة

لبن جميد او حسب الرغبة
هاذ اللبن بنفع وزاكي

طريقة التحضير

نخلي الدقيق في صحن غميق واعجني الدقيق بالماء وضعي عليه ذرة ملح
وضعيه في مكان دافئ لمدة نص ساعة لكي ترتاح العجينة


طريقة تحضير الحشوة

قسمي البصلة ناعماً وضعيها في مقلاة وضعي عليها قليل من الزيت
وحركيه حتى يذبل وضعي عليها اللحمة وحركيها حتى تذبل قليلا
وضعي الغطاء عليها واتركيها 10 د على نار هادئة
ثم افتحي الغطاء وحركيه حتى تستوي منيح وضعي عليها قليل من الملح
والبهارات والفلفل


ثم افردي العجينة على سطح رخام او خشب في مرق العجين حتى يكون سمكها قليل
واقسمي دوائر بفنجان القهوة الصغير




متل هيك..


ثم تجهزي الكمية التي ترديها وتضعي في طبق وبتخلي حتى ينشف مزبووط
واذا بتحبي تضعي في الفرن لكي ينشف ولا يتغير لونه






ملاحظة: في ناس مثلنا طبعا بخليها مثل القطايف ما بلفها بصير يعني وكمان ما بنحمصها او بنشفها دوغري عاللبن هاي طرق طبعا الخبرة الها دور يعني امي بدبها بسرعة باللبن وهي عجين
ما بتفرق بالاخر زي بعض

وبتجهزي اللبن يلي بتحبيه وتضعي على الغاز حتى الغليان
وتضعي حبات العجين في اللبن مع التحريك لكي لا يتماسك في بعضه


وبتخلي يغلى مع بعضه 15 دقيقة واذا بتحبي تضعي قليل من الكزبرة الخضراء
وقليل من العصفر حسب الرغبة

وهيك بكون الطبق جاهز

صحتين وعافية
يارب تكون عجبتكم


انا قمت بتعديل الصور لانو صاحبة الموضوع مو مضبطاهم
ومنتهى صلاحيتهم