قصة ولادتي ...صدمة...تعب...و احلى لحظة بحياتي

كيفكون يا حلوين
هي رجعتلكون بقصة ولادتي
باختصار ...انا حامل بحقن مجهري و مقررلي قيصرية من الاول بس.......................
باخر حملي صار معي كتير شغلات غيرت كتير من نهاية الحمل
انا سورية مقيمة بالامارات ...و كنت ناوية ارجع اولد بسوريا بين اهلي و عند نفس دكتوري اللي عملي الحقن المجهري لانو بيعرف حالتي من الاول و هو كتير شاطر بس.............بتعرفوا الاوضاع بسوريا تغيرت عن قبل و لغيت حجز الطيارة لانو صار مستحيل ارجع اولد هونيك بعد المشاكل اللي صارت
و هون تأثرت نفسيتي كتير و زعلت و صرت رح اولد لحالي و انا خويفة كتير و هون ما مجهزة حالي لا بعرف مشافي و لا اي دكتورة رح اولد عندها حتى ديارة البيبي موجودة بسوريا لانها هدية من اهلي ........و كانت الزيارات للسوريين للامارات موقفة يعني بس انا و زوجي بس الحمدلله صار يتيسر معي شغلات لقيت مشفى ممتاز و فيه دكتورة عراقية كتير شاطرة و صرت راجع عندها و فهمت حالتي و اعتمدت عالولادة عندها
و ع قد ما زعلت و انقهرت باول الشهر التامن رحت لعندها و قالتلي مية البيبي قليلة و قالتلي لازم اشرب سوائل كتير حتى كتر مية البيبي و صرت اشرب 3 ليتر مي غير باقي السوائل
و بنص الشهر التامن رجعت راجعت الدكتورة و كانت مية البيبي مازالت قليلة.............و طلبت مني الدكتورة اعمل تحليل سكر و جيت تاني يوم صايمة و اخدو عينة دم و بعدها شربوني 100مل شراب غلوكوز و رجعوا اخدوا عينة دم كل ساعة لمدة اربع ساعات و طلع معي سكر حمل!!!!!!!!!!!!!
و طلبت مني الدكتورة التزم بحمية
مافي لا ملح و لا سكر و لا حد ولا معجنات ولا دهن بس خضار و فواكه بشرط ما يكون فيها طعمة حلوة و لحم خالي الدهن مسلوق او صدر جاج مسلوق او سمك مشوي
و التزمت بالحمية 100% وبهي الفترة سمحوا بالزيارات للسوريين قلت الحمدلله فرجت و قررنا نعمل زيارة لحماتي و كان موعد ولادتي مقرر اني اخد اسبوعين من الشهر التاسع يعني بتكون ولادتي ب 10 -7 ...................و كانت حماتي رح تجي ب 6 -7
ب 3 الشهر كان عندي مراجعة لاني باخر فترة كنت روح كل 3 ايام و يعملولي تخطيط لقلب و حركة البيبي حتى يعرفو اذا اثرت عليه نقص المي و رحت و عملت التخطيط .............و كان البيبي ما عم يتحرك الا شي بسيط و انا كنت حاسة بهالشي من يومين و خايفة و هون كانت الصدمة لما شافت الدكتورة نتيجة التخطيط قالتلي انت جاهزة هلأ رح ولدك الولد حياته عالحد ...............
ما تتخيلو شعوري بهاللحظة حسيت حدا سفقني كف ما عاد اعرف فكر و سالتها ما بنقدر بعد يومين عالقليلة بتكون حماتي اجت و جابتلي الديارة معهاقالتلي حياة البيبي بخطر ...........
هاد الحكي كان الساعة 1 الضهر قالتلي ارجعي لعندي عالساعة 8 بالليل و بنرجع بنساوي تخطيط اذا ما تحسنت الحركة بولدك فورا
و طلعت من المشفى و دموعي ع خدي ما عارفة شو بدي اعمل و براسي مية شغلةو ما عدت اعرف من وين بدي بلش و ما اقدر استوعب فكرة اني رح اولد لحالي بس سبحان الله الله عطاني قوة و توكلت عليه و سلمت امري لله
رجعت عالبيت اكلت و حفظت ايمت كان وقت اخر شي اكلته و بلشت اشتغل بحالي و جهز حالي قبل العملية و تحممت و ضبيت غراضي و رحت بسرعة ع مول و اشتريت تياب و غراض و كل شي لازمني للبيبي و اتخيلو كيف كان وضعي و الله ما كنت شايفة قدامي
طبعا صارت الساعة 8 و عملت تخطيط و الحالة كانت اسوء من الصبح و البيبي صار بخطر و الحبل السري قريب ع رقبته كتير تقررت ولادتي 100% و طالعوني ع غرفتي و بلشو يجهزوني للعمليات و كنت كل الوقت مروقة و متوكلة ع الله و ما بعرف من وين اجتني هالقوة و نقلوني عالتخت اللي بيجروه لغرفة العمليات و هون حسيت عالصواب ما اعرف شو صرلي انقطع قلبي و بلشت ابكي و ارجف بشكل هستيري و ما اقدر هدي حالي ابدا و زوجي صار يهديني و الممرضات بس بدون فائدة و طبعا وصلت لغرفة العمليات و بقيت لحالي زوجي برا و حسيت هي اخر الدنية و انا لساتني عم ارجف و اقرا قران و ادعي بس ما قدرت هدي حالي
دخلت الدكتورة و ربطولي ايدي و صارت تقلي ما تخافي و بلشت تعقملي بطني و انا عم ارجف و ارجف و ارجف بعدها دخل دكتور التخدير و قلي خدي نفس عميق و بعدها خخخخخخخخخخخخخخخخخخخخخخخخخخخخخخخخخ رحت نايمة
اجا الوجع قعدت ع وجع مو طبيعي بالبطن طبعا ما بيعطوني مسكنات ليفك البنج حتى يعرفو اني صحيت او لا
و صرت صيح و ما اعرف مين حواليي و نقلوني فورا ع غرفتي و فورا حطولي المسكنات بالسيرون و بوقت قصير كتير ما عدت حسيت بوجع يمكنكانت لحظة دخولي لغرفة العمليات اصعب لحظة بحياتي
بس لما ما عدت حسيت بوجع و جابولي ابني نسيت وجعي و همي و نسيت الدنية هي احلى لحظة بعمري كلو الله لا يحرمها لحدا
و بعدها بلشت التلفونات و اهلي حكو معي كلون و نمت و لما فقت الصبح قعدت 6 الصبح عمليتي بديت 12 بالليل طلعو ابني 12 و نص و انا صحيت كانت الساعة 1 و نص بعد نص ليل و كان دخل تاريخ 4-7
لما فقت الصبح كنت نسيانة كل شي صاير و قعدت زوجي و صرتاساله وين الولد جبلي ياه و لما شفته طااااااااااااااااااااااااااااااار عقلي و صرت قلو ليش اهلي ما حكوا معي و زوجي مات من الضحك قلي حكيت مع الكل مبارح و رجعت دقيت لماما الساعة 6 و هنن ع توقيتون 5 الصبح ياحرام افتكرت فيني شي قلتلها بدي احكي معك ماني متذكرةحكيت معك مبارح و صارت تضحك
بعدها بقيت بالمشفى يومين و الحمدلله الله بعتلي ممرضات ما في احن منهون و صاروا كتير يعتنوا فيني لما عرفوا اني لحالي و انو اول ولد بعد 5 سنين انتظار و بعد حقن مجهري
و تاني يوم قالولي لازم تمشي و كل ما بتمشي اكتر كل ما بتتحسني اكتر و صرتكابر ع حالي و امشي و فعلا تحسنت كتير و طلعت بعد يومين من المشفى ماشية ع اجريي بدون ما حدا يساعدني
طبعا الحركة بالبيت كانت محدودة و اكيد بدي حدا يقومني من التخت و يسندني باول اسبوع بس بعدها الحمدلله كلو احسن
نصائح عالسريع
مراقبة الحمل باخر فترة كتير ضرورية
العناية بالاكل بعد الولادة و شرب حليب و اكل تمر و عسل مفيد كتير و شرب شوربة خضار و اكل فواكه و الابتعاد عن كل شي بيسبب نفخة
باسرع وقت لازم ترضعوا الصغير بالبداية في عذااااااااب كبير بس بعدين بتلاقوه ما في احلا منو و بيرجع حجم الرحم بسرعة كبيرة
هلأ الي تقريبا 8 ايام ولدانة و صار نزلت 9 كيلو بعد زيادة 20 كيلو بفترة الحمل
هي قصتي انشالله تكونوا حبيتوها
و عقبال الكل يارب دعيت لكل بنات المنتدى و انا بغرفة العمليات و الله يستجيب يارب
سلااااااااااااااام يا حلوين

بتعرفي قصتك قريبة كتير لقصتي بس قصتك نهايتها حلوة انا لا
انا متلك فلسطينيةاعايشة بالامارات اهلي بالجزائر وزوجي فلسطيني سوري اهله هون و بعدني ما طبقت سنة بالامارات
صار معي حمل مرتيين وسئطت بس كانت المرة التاني صعبة عليي كتير لاني كنت بالاسبوع التاسع وصار معي نزيف شديد واعطوني بعدها طلق صناعي وبعدها عملية تنظيف وطلعت من العملية ابكي من وجع بطني وحت معي امي واخواتي وانا موجوعة وبعد محطولي مسكن ونمت فترة وريحت وفئت قلتله لجوزي ليش ماما ماتصلت فيي فصار يضحك عليي ويقولي شوبك لك ما ضل حد ماحكيتيه ههههه
حسيت بجد انه لحالي وكان نفسي تكون امي معي غير هيك ماعم بعرف دكتور اودكتورة نسائية متل الخلئ بهالبلد عنجد حظي مع الدكاترة ابدا مو حلو
والحمد الله ع كل شي
وقت الي كنت حامل كنت فكر متلك بدي انزل اولد بشام وبنلتقي انا وامي بسوريا لانه كل عيلة ماما بشام لانه بيضل الوحدة بدها امها حتى لو حماتها عندها رغم انه حماتي كتير منيحة بس انا طبعي بخجل اني اطلب شي من حد او لبك حدا فيي وبعد متخربط الوضع صرت فكر وين بدي اولد ومابدي اولد بالامارات ما الي حدا وهيك فلما قريت قصتك اتزكرت حالي كيف كنت فكر وقت الي كنت حامل قام الجنيين اخدها من قصيرها ونزل هههههه
عموما الف مبروك ويتربى بعزكون ودلالكم يارب

الله يعوضك فيه خير حبيبتي و انشالله يرزقك الحمل عن قريب
اذا كنت بالشارقة بنصحك بالدكتورة هالة الخالدي هي بمشفى اسمه المشفى المركزي الخاص هي اللي ولدتني ماشاء الله عليها الناس عندها بالطوابير و الله يرزقك يارب متل مارزقني

حمدا لله على سلامتك حبيبتي كيوتي وعلى سلامة البيبي ...يتربى بعزك وعز أبيه...وان شاء الله كل ما مريت به في ميزان حسناتك ...وألف شكر على دعواتك الحلوة لنا ويا رب يسمع منك .
وألف شكر لمشاركتنا قصة حملك وولادتك وان شاء الله تفيد كل الحوامل وحتى المتأخرات في الحمل.

[ندعوك للتسجيل في المنتدى أو التعريف بنفسك لمعاينة هذه الصورة]

ريتال العليا كتب:

بتعرفي قصتك قريبة كتير لقصتي بس قصتك نهايتها حلوة انا لا
انا متلك فلسطينيةاعايشة بالامارات اهلي بالجزائر وزوجي فلسطيني سوري اهله هون و بعدني ما طبقت سنة بالامارات
صار معي حمل مرتيين وسئطت بس كانت المرة التاني صعبة عليي كتير لاني كنت بالاسبوع التاسع وصار معي نزيف شديد واعطوني بعدها طلق صناعي وبعدها عملية تنظيف وطلعت من العملية ابكي من وجع بطني وحت معي امي واخواتي وانا موجوعة وبعد محطولي مسكن ونمت فترة وريحت وفئت قلتله لجوزي ليش ماما ماتصلت فيي فصار يضحك عليي ويقولي شوبك لك ما ضل حد ماحكيتيه ههههه
حسيت بجد انه لحالي وكان نفسي تكون امي معي غير هيك ماعم بعرف دكتور اودكتورة نسائية متل الخلئ بهالبلد عنجد حظي مع الدكاترة ابدا مو حلو
والحمد الله ع كل شي
وقت الي كنت حامل كنت فكر متلك بدي انزل اولد بشام وبنلتقي انا وامي بسوريا لانه كل عيلة ماما بشام لانه بيضل الوحدة بدها امها حتى لو حماتها عندها رغم انه حماتي كتير منيحة بس انا طبعي بخجل اني اطلب شي من حد او لبك حدا فيي وبعد متخربط الوضع صرت فكر وين بدي اولد ومابدي اولد بالامارات ما الي حدا وهيك فلما قريت قصتك اتزكرت حالي كيف كنت فكر وقت الي كنت حامل قام الجنيين اخدها من قصيرها ونزل هههههه
عموما الف مبروك ويتربى بعزكون ودلالكم يارب

حبيبتي ريتال العليا ...يا رب يعوضك عن حملك الذي ضاع منك بأحلى توأم ...وان شاء الله كل ما مر عليك في ميزان حسناتك.
وأهلا وسهلا بك في منتدانا الغالي وان شاء الله تستمتعين بصحبتنا وتفيدين وتستفيدين .
سعيدة جدا جدا بالتحاقك بي هنا وبكل الأخوات الطيوبات .

لبى ياكيوتى والله ربنا يكرمك ويتربى بعزك حبيبتى وعز ابية يارب ويبارك ليكوا فية قصتك صعبة بس يارب تكون بميزان حسناتك ياحبيبتى

ومنتحرمشى منك ياكيوتى ياحبيبتى يارب على انك افتكرتينا حبيبتى ويتقبل دعواتك يارب ويرزقنا كلنا امين يارب

الف الحمدالله على سلامتك ويتربى بعزك ويخليه الك يارب وكله ان شاء الله في ميزان حسناتك
يارب يجعله من الصالحين البارين

حبيبتي ريتال ربي يعوضك بتوئم حلوين
وكله في ميزان حسناتك عليكي بالدعاااااااااااااااااء وربنا كريم مابنسى احد

الف مبروك كيوتي
وعقبال للمنتظرين ربي يرزقهن

ريتال ربي يعوض الصبر بتوام انشاء الله