طريقة عمل ساندويش الشاورما بنكهة الفلفل الاخضر بالصور

طريقة عمل ساندويش الشاورما بنكهة الفلفل الاخضر بالصور | موقع موسوعة الطبخ

how to cook Shawarma Sandwich green pepper | arabic cooking encyclopedia
قبل كم يوم عملت شاورما لذيذه جدااااا ونكهتها مميزه + سهله وماتاخذ وقت وتعتبر عشا سريع اذا مالك خلق تطبخي شغله طويله عريضه

يوم قررت اعمل الشاورما قلت ليه مااصور الطريقه وانزلها

فجبت كاميرا جوالي وبدينا الشغل

يالله نبدأ

بسم الله

اول شي المقادير :

صدور دجاج انا استخدمت صدر ونص ( الكميه تكفي شخصين )
فص الى فصين ثوم
بصله متوسطه
حبه فلفل اخضر متوسطه
علبة زبادي
نص حبة ماجي
بهارات مشكله حسب الرغبة انا استخدمنت ( قرفه + كركم + بابريكا + فلفل ابيض + بهار مشكل )
سماق

الطريقة :



نقطع الفلفل الاخضر قطع صغيره الى متوسطه مو مهم لان بنطحنهم



نضعه في كاس المفرمه



نضع عليه علبة الروب



نضع نص حبة الماجي وفص الثوم



نضيف البهارات وانا اخترت البهارات اللي صورتها فوق ونخلط لين تنفرم المقادير ويذوب الفلفل في الروب




شوفوا لشكل عقب الخلط صار خليط لونه اخضر فاتح




نكون سابقا مقطعين الدجاج قطع صغيره وننقعه في الخليط ونتركه بالثلاجه عشان يتنكه واللي ماتبي تنتظر مثلي تخليه ربع ساعه وتبدا شغل <<< ماعندها وقت




نروح نقطع البصله مربعات + فص الثوم



نحمس البصل الى ان يذبل وتظهر رائحته مع الثوم همممممممم



نضيف الدجاج عليه مع الصوص النقع اللي معاه ونحرك ونهدي النار ونغطي القدر ونشيك عليه كل شوي لحد ماينشف الدجاج ويشرب الصوص



الدجاج عقب مااستوى وشرب الصوص والريحة تدووووووووووووووووخ



اللمسه السحريه لاتنسينها تعطي طعم روعه وهو السماق رشيه على الدجاج اذا استوى وقلبي الدجاج

خلص الدجاج نجي اللحين لتجهيز الساندويتش

اول شي جهزي الخضار اللي تبي تحشينها بالساندوينش وانتي ورغبتك

انا كان متوفر عندي التالي /



خس + مخلل خيار + بصل ابيض


برضو جهزي مقادير الصوص الخطييير



صوص فرنسي وانصح اللي ماجربها يجربها رووووعه وتعطي طعم للساندويش وتلاقيها بكل بقاله
مايونيز + طحينيه
نخلطهم سوا ويصيرون كذاا




نجهز الساندويش اول شي ندهن الصوص



بعدين نحط الخس وربعه





صوره اخرى



ونقدم الساندويش مع البطاطا وحبيب الكل البيبسي بس ماصورته مع المجموعه










يارب يعجبكم الساندويتش وتجربونه