كيف الحلوين
اليوم اكلة البامية اكيد كلكون بتعرفوها
يلا استمتعوا بطريقة كيوتي
رح نبدا
اول شي بتجيبو البامة بتقصوا القسم الفوقاني و بتغسلوها و بتصفوها و بتحطو زيت و بتقلوها لتقسى و تحمر شوي بس مو لتحترق بس حتى تبقى متماسكة عالطبخ
بنجيب راس توم و بنقشره و بنقطعه شرايح صغيرة
بعدها بنحط شوية سمنة و بنحمس ع نار خفيفة التوم و اللحمة الناعمة مع شوية ملح و بس تستوي اللحمة بنضيف البامية اللي قليناها بعد ما نصفيها من الزيت
و بنقلبون و بنقطع تقريبا 5 بندورة و بنضيفها فوقهون مع كاسة مي و بس تغلي بنحطلهون مكعبين ماجي و بنتركهون ع نار هادية و هنن عم يغلو ربع ساعة
بنضيف ملعقتين رب بندورة و بنتركهون كمان ربع ساعة
بنضيف نص ملعقة حمض ليمون بودرة و شوية دبس رمان و بنركز الملح حسب الرغبة و بنتركهون يغلو 5 دقايق بعد الحمض و بعدها بنطفي عليهون و بنتركهون قريب 10 دقايق قبل التقديم
و صحة و هنا
بنجي عالرز
طريقتي سهلة و عياراتها اسهل
كل كاسة رز بدها ملعقة اكل سمنة و ملعقة صغيرة ممسوحة ملح و كاسة و نص مي
بننقع رز قبل نص ساعة من الطبخ بمي سخنة و بنضفلو شوية ملح
بنضيف السمنة و بس تصير حامية بنقلب الشعيرية حتى يصير لونها بني و بنضيف المي حسب عدد الكاسات و بس تغلي بنضيف الملح و بنكون غسلنا الرز و حطيناه كمان فوق المي المغلية بتركهون دقيقتين ع نار قوية
بعدها بتنقلوهن ع اصغر عين بالغاز و ع اوطى شي يعني اذا فيكون متل الشمعة متل ما بيقولوا خخخخخخخخخخخخ حتى تنشف المي عالاخر و بس
انشالله تعجبكون الاكلة
ناطرة الردود
الف صحة و هنا من كيوتي