مرحبا أخواتي
دورة التطريز بالحاشية موضوع اليوم سهل جدا و النتيجة بإذن الله راح تلقى استحسانكم
نبدأ الموضوع مع الرشمة الموالية
[ندعوك للتسجيل في المنتدى أو التعريف بنفسك لمعاينة هذه الصورة]بعد ما ننقل الرشمة على القماش ، نبدأ مع le pt de tige و نخدم كيما راهو باين في الصورة ، هاذ المرة استخدمت الخيوط الحريرية في العمل- ممكن نستعمل coton perlé مش مشكلة -، طبعا لكم الحرية المطلقة في اختيار ما يناسبكم من ألوان
[ندعوك للتسجيل في المنتدى أو التعريف بنفسك لمعاينة هذه الصورة]بعد ما ننتهي من غرزة الغصن نبدأ العمل على الشيء الجديد اللي رايحين نشوفوه اليوم و هي الوردة بغرزة العنكبوت la rose au point d'araignèe
هاذي رسمة تخطيطية لعمل الوردة
[ندعوك للتسجيل في المنتدى أو التعريف بنفسك لمعاينة هذه الصورة]إذا باش نخدموا هاذ الوردة اول حاجة نعملوها نرسموا دوائر بالقطر اللي يناسبنا بالنسبة للدرس نتاعنا الدوائر حوالي 1.5 - 2 سم في قطرها
و نقسم الدائرة إلى خمس اجزاء بواسطة الخيط نتاع الحرير او perlè المهم يكون بنفس أو يقارب لون الشريط اللي رايحين نخدموا بيه الوردة هاذ الغرزات تلتقي في مركز الدائرة
نشوفوا مع الصور كيف نعمل غرزة العنكبوت اللي هي رايحة تكون بمثابة الأساس نتاع الوردة اللي رانا حابين نعملوها
[ندعوك للتسجيل في المنتدى أو التعريف بنفسك لمعاينة هذه الصورة]و نتحصل على هذا الشكل اللي يسموه الغرزة العنكبوتية و الي عليه رايحة نخدم الوردة
[ندعوك للتسجيل في المنتدى أو التعريف بنفسك لمعاينة هذه الصورة]و هكذاك نخدموا في كل الدوائر اللي راهي مرسومة عندنا
نبدأ الان العمل بالحاشية
لكن قبل أن أبد أ: لما يكون الشريط اعرض من ثقب الإبرة نقطعوه بهاذ الشكل باش يجينا ساهل كي ندخلوه في الإبرة
[ندعوك للتسجيل في المنتدى أو التعريف بنفسك لمعاينة هذه الصورة]نبدأ الان في العمل ، ندخلوا الإبرة قرييييبة كثييير من المركز نتاع الدائرة
[ندعوك للتسجيل في المنتدى أو التعريف بنفسك لمعاينة هذه الصورة]ثم نلوي الشريط على نفسه عدة مرات فراح يكون كيما راهو باين في الصورة
[ندعوك للتسجيل في المنتدى أو التعريف بنفسك لمعاينة هذه الصورة]م لاحظوا كيف أنني خليتالخيط الأول و ديت الثانيو نخلي الثالث و ندي الرابع و هكذا نقعد غير ندور بالشريط حتى تمتليء كل المساحة نتاع الدائرة و تتغطى شبكة العنكبوت اللي كنا عملناها كاساس أو قاعدة للوردة
لما تكتمل الوردة ندخلوا الشريط في القماش نعقدوه ، نقطعوه ثم نحرقوه باش ما ينسلش
[ندعوك للتسجيل في المنتدى أو التعريف بنفسك لمعاينة هذه الصورة]و نكمل العمل مع كل الدوائر فتكون النتيجة
[ندعوك للتسجيل في المنتدى أو التعريف بنفسك لمعاينة هذه الصورة]بقى لنا نخدموا الأوراق و النقط الصغيرة المتناثرة
بالنسبة للأوراق نستعمل شريط 0.5 سم و نخدموا اوراق صغيرة ب غرزة le pt de ruban japonais
و النقط الصغيرة المتناثرة رايحة تكون بشريط 3 مم بغرزة pt de noeud
و رايحين نتحصلوا في النهاية على هذا
[ندعوك للتسجيل في المنتدى أو التعريف بنفسك لمعاينة هذه الصورة]اتمنى انكو تستفدن من الموضوع
sms
